नयाँ दिल्ली । भारतीय मुद्राको गिरावट रोकिएको छैन । अमेरिकी डलरको तुलनामा अहिलेसम्मकै न्यून स्तरमा भारु आइपुगेको स्थानीय सञ्चारमाध्यमले जनाएका छन् । अमेरिकामा जुन महिनाको महंगी र मन्दीको आशंकासँगै अझै खराब हुनसक्ने देखिँदा भारु अझै अवमूल्यन हुनसक्ने बताइएको छ ।
कुनै पनि बेला डलरको तुलनामा भारु ८० पुग्न सक्नेछ । अमेरिकामा जुनमा महंगी दर ९.१ प्रतिशत रहेको थियो जुन अनुमानितभन्दा बढी रहेको बताइएको छ । यही कारण अमेरिकी फेडेरल रिजर्भले ब्याजदर बढाउनसक्नेछ । अमेरिका विश्वको बलियो अर्थतन्त्र भएको देश हो । त्यसकारण त्यहाँको अर्थतन्त्र बिग्रिँदा त्यसको असर भारुमा समेत पर्नसक्नेछ ।
पछिल्ला केही दिनयता विश्वमा मन्दी आउनसक्ने भय छाएको छ । यो वर्ष भारुमा साढे छ प्रतिशत अवमूल्यन भइसकेको छ । आरबीआईले भारुको गिरावट रोकन धेरै कदम चाले पनि व्यापार तथा रणनीतिकारहरुले निकट भविष्यमै भारु ८० को स्तरमा आउनसक्ने बताएका छन् । भारुमा आएको गिरावटको मुख्य कारण भने कच्चा तेलको मूल्यवृद्धि, डलरको मजबुती, विदेशी पुँजीको निकासी रहेको छ । भारु सस्तिँदा आयात झनै महंगो हुने जनाइएको छ ।
त्यस्तै भारु कमजोर हुँदा यसको धेरै असर महंगीमा पर्नेछ । तर डलरसँग भारु कमजोर हुँदा केही निर्यातकर्तालाई भने फाइदा हुनेछ ।
क्याटेगोरी : विश्व बजार
ताजा अपडेट
- स्वास्थ्य मन्त्रालयद्वारा अनुमतिप्राप्त मेडिकल कलेजहरूको अस्पताल शय्या क्षमता सार्वजनिक
- ‘हलिया र कमैयाको पहिचान र प्रमाणीकरणमा सरकार गम्भीर’
- ‘कर र महसुलका दर घटाउनु स्वागतयोग्य’
- गिरिजाप्रसाद कोइराला फाउन्डेसन अमेरिकाद्वारा निःशुल्क खाद्यान्न वितरण
- ज्योति विकास बैंकका ग्राहकलाई इ–रिभल्भिङ इन्डियन कुजाइन रेस्टुरेन्टमा छुट
- जीवन विकास लघुवित्तको नाफा नौ करोड ९३ लाख
- एक करोड २० लाख वर्ष पुरानो गोहीको अवशेष सार्वजनिक
- एसिया र विश्वकप यो हातले उचाल्नु छ: कप्तान महतो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया