किबीखेती विस्तार गर्दै बैतेश्वर गाउँपालिका
दोलखा । जिल्लाको बैतेश्वर गाउँपालिकाले किबीको खेती विस्तार तथा प्रवर्द्धन गरेर पालिकालाई पकेटक्षेत्र घोषणा गर्ने भएको छ । यसका लागि गाउँपालिकाले १० लाख रूपैयाँ बजेट विनियोजन समेत गरेको छ । किबीको खेती प्रवर्द्धन तथा विस्तारको लागि ‘टि–बार कार्यक्रम’ शीर्षकमा बजेट विनियोजन गरेको बैतेश्वर गाउँपालिका अध्यक्ष छबि लामाले जानकारी दिए ।
पछिल्लो समय बैतेश्वरमा किबीखेतीको विस्तार हुँदै गएको र धेरै किसानले व्यावसायिकरूपमै किबीखेती गर्न थालेको उनले बताए । बैतेश्वर गाउँपालिका वडा नम्बर एक, दुई र तीनका दर्जनौँ कृषकले व्यावसायिकरूपमा किबीखेती गरिरहेका छन् । त्यस्तै अन्य वडामा पनि यसको खेती फस्टाउन थालेको छ । थोरै लगानीमा सजिलोसँग खेती गरेर छोटो समयमै आम्दानी लिने हुँदा पछिल्लो समय दोलखामा किबीखेती गर्ने कृषक बढेका हुन् । गाउँपालिकामा यसअघि लगाइएको किबीबाट राम्रो उत्पादन हुन थालेपछि किबीको खेती बढेको गाउँपालिकाले जनाएको छ ।
पालिकाले किबी प्रवर्द्धन र टि–बार अनुदानसँगै कृषक तालिमको लागि पनि दुई लाख बजेट छुट्याइएको छ । त्यस्तै कृषकलाई ९० प्रतिशत अनुदानमा सिल्पोलिङ प्लास्टिक टनेल वितरण गर्न १० लाख बजेट छुट्याइएको छ । त्यसैगरी रैथाने बाली संरक्षण गरेर खेती वृद्धि गर्न पाँच लाख अनुदान दिन बजेट विनियोजन गरेको बैतेश्वर गाउँपालिकाकी उपाध्यक्ष कल्पना उप्रेतीले बताइन् । यस्तै तरकारी मिनिकिट वितरण गर्न पनि पाँच लाख बजेट विनियोजन गरेको उपाध्यक्ष उप्रेतीले जानकारी दिइन् । साथै गोठखोर सुधार कार्यक्रमको लागि पाँच लाख अनुदान दिने भएको छ । पशुपन्छीको संरक्षण तथा सुरक्षाको लागि खोप कार्यक्रम गर्न पाँच लाख बजेट विनियोजन गरेको हो ।
पालिकाले कृषिलाई प्राथमिकता दिएर ६१ लाख बजेट विनियोजन गरेको छ । त्यस्तै गाउँपालिकाले कृषिसँगै शिक्षा क्षेत्रमा विद्यार्थीलाई प्रोत्साहन अनुदान दिने भएको छ । एमबीबीएस डाक्टर उत्पादन तथा अध्ययनको लागि १५ लाख प्रोत्साहन अनुदान दिने भएको छ । त्यस्तै सामुदायिक विद्यालयमा अध्ययन गर्ने विद्यार्थीलाई दिवाखाजा दिन १३ लाख ५० हजार बजेट विनियोजन गरेको छ ।
क्याटेगोरी : सहकारी–कृषि
ताजा अपडेट
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
- आजको विदेशी मुद्रा विनिमयः अमेरिकी डलर, यूरो र पाउन्डको मूल्य घट्यो
- रुपन्देहीमा उद्योग खोल्नेभन्दा बन्द गर्ने धेरै, दुई महिनामा एक सय आठ उद्योग बन्द
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया