युरोप । रूस–यूक्रेन युद्धले जी–२० समूहलाई विभाजित गरेपछि इन्डोनेसियामा आयोजना भएको शनिबार सम्पन्न २० प्रमुख अर्थतन्त्रको समूहका वित्तमन्त्रीहरूको दुई दिने बैठक समाप्त भएको छ ।
समूहको बैठकपछि संयुक्त विज्ञप्ति जारी गरी छलफलमा भएका निर्णयबारे सार्वजनिक गराउने परम्परा छ । यद्यपि युद्धका कारण उक्त समूहका सदस्यहरूबीच एक मत हुन नसकेपछि संयुक्त विज्ञप्तिविना नै बैठक टुंगिएको छ ।
इन्डोनेसियाको बालीमा भएको वार्ताको क्रममा वित्त प्रमुखहरूले खाद्य तथा ऊर्जा संकटहरूको समाधान खोजेका बताइएको छ । तर बैठकका सहभागीहरूले रूसी प्राविधिकहरूले समस्याहरूलाई झनै चर्काएको आरोप लगाए ।
अमेरिकी वित्तमन्त्री जेनेट येलेन, अस्ट्रेलियाका जिम चालमर्स र क्यानाडाका क्रिस्टिया फ्रिल्यान्डले शुक्रबार यूक्रेनमा गरिएको रूसी हस्तक्षेपमार्फत भएको विश्व अर्थतन्त्रलाई प्रभावित पारिएको भन्दै यसको आलोचना गरे ।
औपचारिक विज्ञप्तिको सट्टा इन्डोनेसियाले जारी गरेको १४ अनुच्छेदको वर्णन जी–२० समूहको अध्यक्षता गरेका इन्डोनेसियाली वित्तमन्त्री मुल्यानी इन्द्रावतीले समापन सम्बोधनमा गरेका छन् । उनले अधिकांश दस्तावेजमा सहमति भएको बताइन् तर यसमा रहेका दुई अनुच्छेदले युद्धको प्रभाव र कसरी प्रतिक्रिया दिने भन्ने सन्दर्भमा सदस्यहरूको मतभेदमा केन्द्रित भएको छ । उनले भनिन्, ‘मेरो विचारमा यो नै सबैभन्दा राम्रो परिणाम हो ।’
वार्ताको दोस्रो दिनको सुरुमा, इन्डोनेसियाका केन्द्रीय बैंकका गभर्नर पेरी वारजियोले कोभिड–१९ महामारीबाट पीडित विश्व अर्थतन्त्रलाई पुनः स्थापित गर्नमा ध्यान केन्द्रित गर्न मन्त्री तथा विश्वव्यापी वित्त नेताहरूलाई आह्वान गरे ।
वार्ताको दोस्रो दिनको सुरुमा, इन्डोनेशियाका केन्द्रीय बैंकका गभर्नर पेरी वारजियोले कोभिड–१९ महामारीबाट पीडित विश्व अर्थतन्त्रमा पुनः स्थापनामा ध्यान केन्द्रित गर्न मन्त्री तथा विश्वव्यापी वित्त नेताहरूलाई आह्वान गरे ।
अन्तर्राष्ट्रिय मुद्रा कोषले आफ्नो विश्वव्यापी वृद्धि पूर्वानुमानमा कमी आएपछि यो बैठक भएको हो । अमेरिकी मुद्रास्फीतिले मन्दीको डर उत्पन्न गर्दा यो महिनामा विश्वव्यापी आर्थिक वृद्धिदरमा थप कमी आउने प्रक्षेपण गरिएको छ ।
युक्रेन युद्धले विश्व बजारलाई चर्काएको, खाद्यान्नको मूल्य बढेको र मुद्रास्फीतिलाई तोडेको अवस्थामा वित्तमन्त्रीस्तरीय छलफल ओझेलमा परेको छ ।
क्याटेगोरी : विश्व बजार
ताजा अपडेट
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
- आजको विदेशी मुद्रा विनिमयः अमेरिकी डलर, यूरो र पाउन्डको मूल्य घट्यो
- रुपन्देहीमा उद्योग खोल्नेभन्दा बन्द गर्ने धेरै, दुई महिनामा एक सय आठ उद्योग बन्द
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया