कर्णाली । ४१ वर्षअघि नेदरल्याण्ड सरकारको सहयोगमा निर्माण भएको वीरेन्दनगर औद्योगिक क्षेत्रको प्रशासकीय भवन लामो समयदेखि मर्मत नहुँदा जीर्ण बन्दै गएको छ । औद्योगिक क्षेत्र व्यवस्थापन कार्यालयले जीर्ण भवनको छतमा वर्षा छल्नलाई प्लाष्टिकले ढाकेर उद्योग प्रशासन सञ्चालन गर्दै आएको छ ।
कार्यालय प्रमुख जीवनारायण बञ्जाडेले नयाँ प्रशासकीय भवन निर्माण तथा ममर्तका लागि केन्द्रमा अनुरोध गरिएको जानकारी दिए । ‘भवनको छतभरि प्लाष्टिकले ढाकेका छौँ, हावाहुरी लाग्दा पलाष्टिक उडाएर लैजान्छ, कोठाभित्र पानी चुहिन नदिन पलाष्टिकसँगै त्रिपालले ढाकिएको छ’, उनले भने, ‘अन्य भवनको मर्मत कार्य पूरा भएको छ, प्रशासनिक भवनको हकमा जीर्ण भएकाले निर्माणका लागि बजेट माग गरिएको छ ।’ आफू कार्यालय प्रमुख भएर यहाँ आएको चार वर्ष बित्नै लाग्दा हरेक वर्षात्मा प्लाष्टिक र त्रिपालले ढाकेर काम चलाउँदै आएको उनको गुनासो छ । आठकोठे प्रशासकीय भवन कर्मचारी आवासगृह समेत हो । सुर्खेत विमानस्थलको उत्तरतर्फ ९० रोपनी क्षेत्रफलमा फैलिएको औद्योगिक क्षेत्रमा प्रशासकीय भवनबाहेक अन्य भवन पाँच वटा छन् । कार्यालयले ती भवन भने औद्योगिक प्रयोजनका लागि भाडामा दिएको छ । कार्यालय प्रमुख बञ्जाडेले भने, ‘औद्योगिक क्षेत्रमा उद्योग त चल्न दिनुप-यो, त्यही भएर ती भवन प्रयोग गरेका छैनौँ, बरु त्रिपालले ढाकेरै भए पनि जेनतेन काम चलाउँछु ।’
औद्योगिक क्षेत्र व्यस्थापन कार्यालयमा कर्मचारीको संख्या पनि कमी छ । तीन सुरक्षा गार्डसहित हाल आठ जना कर्मचारी कार्यरत छन् । औद्योगिक क्षेत्रका लागि पानीको ओभरहेड ट्यांकी तथा नयाँ पाइप लाइन विस्तार कार्य हुन बाँकी रहेको र बजेट अभावका कारण चमेना गृह, सेन्टी पोष्ट, बैंक एक्सटेन्सन काउन्टर, बारुण यन्त्रको व्यवस्थापन हुन नसकेको औद्योगिक क्षेत्र व्यवस्थापन कार्यालयले जनाएको छ । प्रदेश सरकारको लगानीमा पाँच सय मिटर सडक कालोपत्र र सात सय मिटर सिमाना पर्खाल लगाउने कार्य सम्पन्न भएको छ ।
कार्यालय प्रमुख बञ्जाडेले औद्योगिक क्षेत्र व्यवस्थापन लिमिटेड, नेपाल विद्युत् प्राधिरकणसँगको समन्वयमा सुर्खेतको सवस्टेशनदेखि वीरेन्द्रनगर औद्योगिक क्षेत्रसम्म छुट्टै ‘डेडिकेटेड फिडर’ निर्माण कार्य भइरहेको जानकारी दिए । वीरेन्द्रनगर औद्योगिक क्षेत्रमा २७ मध्ये हाल २२ उद्योग चालू अवस्थामा छन् । तीन उद्योग निर्माणाधीन र दुई उद्योगमा कब्जामा छन् । लामो समयदेखि सञ्चालन नगरी जग्गामात्रै ओगटेका उद्योगको सम्झौता रद्द गरी मूल्यांकन फाइल स्वीकृतिका लागि बोर्डसमक्ष पठाइएको छ । चालु अवस्थामा रहेका २२ उद्योगबाट गरी तीन सय जनाले प्रत्यक्ष रोजगारी पाएका छन् ।
यहाँ सबैभन्दा ठूलो लगानी १५ करोड लागतमा सुर्खेत डेरी उद्योग सञ्चालनमा छ । यसले चार वर्षदेखि ‘रारा ब्राण्ड’मा दुग्धजन्य पदार्थको उत्पादन गर्दै आएको छ । सुरक्षा ग्याबिन वायर इण्ड्रष्टिज, पिए फुड इण्ड्रष्टिज, भवानी छापाखाना ठूला उद्योगमा पर्दछन् । यस क्षेत्रमा पाँच–पाँच वटा औद्योगिक भवन र व्यावसायिक सटर छन् ।
बक्यौताविहीन औद्योगिक क्षेत्र
नेपाल सरकारको स्वामित्वमा रहेका १० वटा औद्योगिक क्षेत्रमध्ये यस क्षेत्रले आव २०७७/७८ को सम्पूर्ण बक्यौता असुली गरेको, आव २०७८/०७९ को समेत करिब ९८ प्रतिशत बक्यौता रकम असूल गरी बक्यौताविहीन औद्योगिक क्षेत्र बनेको छ । साथै नेपालकै नमूना वातावरणमैत्री औद्योगिक क्षेत्रका रुपमा पहिचान बनाएको छ ।
कोभिडको कारण लकडाउन भई सम्पूर्ण औद्योगिक प्रतिष्ठान बन्द भइरहेको अवस्थामा २०७७ वैशाख १ गतेदेखि पुँजी, मेसिनरी, कच्चापदार्थ, आधुनिक प्रविधिको समेतको व्यवस्थापन गरी सुर्खेत डेरी उद्योग, सुरक्षा ग्याबिन वायर एण्ड इण्ड्रष्टिज प्रालि प्रदेशकै नमूनाका रुपमा स्थापित भएको औद्योगिक क्षेत्र व्यवस्थापन कार्यालयले जनाएको छ । आव २०७७/०७८ मा जग्गा बहालबाट पाँच लाख २० हजार पाँच सय रुपैयाँ, भवन बहालबाट तीन लाख ७६ हजार तीन सय ८९ रुपैयाँ, पानी महसुलबाट ११ लाख पाँच सय ८२ रुपैयाँ र विद्यत् महसुलबाट ३८ लाख ७५ हजार चार सय ४४ रुपैयाँ र विविधमा चार लाख गरि ४३ लाख पाँच सय ९८ रुपैयाँ औद्योगिक क्षेत्रले आम्दानी गर्दै आएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
- अरनिको राजमार्ग विस्तार : जग्गा अधिग्रहण र सम्पदा व्यवस्थापनमा समस्या
- घटस्थापना अगाडि सडक मर्मत गरिसक्न निर्देशन
- मेची भन्सारबाट दुई अर्ब ४२ करोड राजस्व सङ्कलन
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया