जबर्जस्ती करणीको आरोपमा पथ फाइन्डर इन्टरनेशल एजुकेसनका सीईओ धिताल पक्राउ
काठमाडौं । जबर्जस्ती करणीको आरोपमा काठमाडौंको पुतलीसडकस्थित पथ फाइन्डर इन्टरनेशनल एजुकेसनका प्रमुख कार्यकारी अधिकृत (सीईओ) राजेश्वर धिताल पक्राउ परेका छन् । महानगरीय प्रहरी वृत्त मालिगाउँका प्रमुख डीएसपी मिन बहादुर कुँवरका अनुसार एक युवतीले दिएको जबर्जस्ती करणीसम्बन्धी जाहेरीका आधारमा ४१ वर्षीय धिताल पक्राउ परेका हुन् ।
पीडित युवतीको भनाइलाई उद्धृत गर्दै वृत्त प्रमुख कुँवरले भने, ‘घटना यही असार ३० गते राति १२ बजेपछि अर्थात् यही असार ३१ गते बिहानको हो । पीडित युवतीले आफूलाई धितालले काठमाडौंको तिरुपति होटलमा लगेर जबर्जस्ती करणी गरेको भन्दै प्रहरीमा जाहेरी दिइन् । वृत्त प्रमुख कुँवरका अनुसार घटना असार ३१ गतेको भए पनि पीडित युवतीले साउन ३ गते जाहेरी दिएकी थिइन् । सोही जाहेरीलाई आधार मानेर प्रहरीले ती कन्सल्टेन्सीका प्रमुख कार्यकारी अधिकृत धिताललाई साउन ४ गते बुधबार काठमाडौंको सामाखुसीबाट पक्राउ गरिएको वृत्त प्रमुख कुँवरले जानकारी दिए ।
वृत्त प्रमुख कुँवरका अनुसार पक्राउ परेका धिताल तनहुँ जिल्लाको भानु नगरपालिका वडा ८ घर भई हाल काठमाडौं महानगरपालिका वडा नं. २६ बस्दै आएका छन् । पक्राउ परेका धितालविरुद्ध काठमाडौं जिल्ला अदालतबाट बुधबार अनुसन्धानको लागि पाँच दिन म्याद थप भएको वृत्त प्रमुख कुँवरले जानकारी दिएका छन् ।
यता पीडित युवतीका आफन्तले भने जाहेरी फिर्ता लिनको आर्थिक एवं अन्य प्रलोभन देखाएर पीडकका आफन्तहरुबाट निरन्तर धम्की र दबाब आइरहेको बताएका छन् । पीडित युवती हाल आफन्तकै संरक्षणमा बस्दै आएको पीडित युवतीका आफन्तले बताएका छन् ।
क्याटेगोरी : समाचार
ताजा अपडेट
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
- अरनिको राजमार्ग विस्तार : जग्गा अधिग्रहण र सम्पदा व्यवस्थापनमा समस्या
- घटस्थापना अगाडि सडक मर्मत गरिसक्न निर्देशन
- मेची भन्सारबाट दुई अर्ब ४२ करोड राजस्व सङ्कलन
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया