मालुखोला बजारमा बाढीपहिरो, १७ घरमा क्षति
सुबास बस्नेत २०७९, साउन १० ११:३८ 
दोलखा । दोलखाको दक्षिणी क्षेत्र मालुखोलामा आएको बाढीपहिरोेले मालुखोला बजारमा १७ घरमा क्षति पु-याएको छ । तामाकोशी गाउँपालिका वडा नं. ३ र ४ को सिमानामा रहेको मालुखोलामा आइतबार राति अविरल वर्षासँगै आएको पहिरो र बाढीले मालुखोला बजारका घरहरूमा क्षति पु-याएको स्थानीय सन्तोष पोख्रेलले जानकारी दिए ।
बजारमाथिको ठाडो खहरे खोलाबाट आएको बाढीले मालुखोला बजारका साना–ठूला पाँचवटा पसल पुरेको छ भने बजारनजिकै रहेको बेसीका १३ वटा घरमा क्षति पु-याएको छ । बाढी पसेर क्षति गरेका घरबाट स्थानीयलाई उद्धार गरिएर सोमबार सुरक्षित ठाउँमा लगिएको तामाकोशी गाउँपालिकाकी उपाध्यक्ष सिर्जना सुवेदीले जानकारी दिइन् । बाढीले तामाकोशी मन्थली सडकमा पनि क्षति पुगेको छ । यस्तै धानखेत पनि पुरेको छ । आइतबार राति भएको भीषण वर्षापछि बाढीपहिरो आएको हो । यस्तै तामाकोसी गाउँपालिका–७ हावामा पनि बाढी पसेर गंगाबहादुर सुनुवारको घर र व्यावसायिक फर्ममा क्षति गरेको छ । आइतबार रातिकै वर्षाले शैलुङ गाउँपालिका–८ मा पहिरोले क्षति गरेपछि ३० भन्दा बढी घरपरिवार विस्थापित भएका छन् ।
लगातारको अविरल वर्षाको कारण जिल्लामा बाढीपहिरोका घटना बढेको पाइएको जिल्ला प्रहरी कार्यालय दोलखाले जनाएको छ । लगातारको वर्षापछि आएको बाढी पहिरोले तामाकोशी, बिगु, कालिञ्चोक, मेलुङ, शैलुङ गाउँपालिका र जिरी नगरपालिकाका विभिन्न ठाउँमा क्षति पु-याएको छ ।
यस्तै कालिञ्चोक गाउँपालिका वडा नम्बर ५ लापिलाङमा दुई वर्षदेखि निरन्तर पहिरो बगिरहेको छ । रानी भिरको पहिरोले सो वडाका करिब चार सय घरपरिवार जोखिममा रहेका छन् भने, ४५ घरपरिवार विस्थापित बनेका छन् । सयौँ हेक्टर जमिन पहिरो तहसनहस बनाएको छ । त्यस्तै भीमेश्वर नगरपालिका र जिरी नगरपालिकाभित्रका तीन दर्जनभन्दा बढी घरपरिवार पहिरोको उच्च जोखिममा रहेका छन् । बैतेश्वर गाउँपालिका तीनवटा घर र एउटा व्यावसायिक कुखुरा फार्ममा पहिरो पसेपछि तत्काल पहिरो रोक्नका लागि तिर्पाल टाँगेर राखिएको स्थानीयले बताएका छन् ।
यसैगरी पहिरोले जिल्लाभरका सडकमा क्षति पुगेको छ । चरीकोट–जिरी सडकको नौ ठाउँमा माथिल्लो क्षेत्रबाट पहिरो खसेर सडकमा माटो झरेर बसेको छ । तत्काल सडक अवरुद्ध नबने पनि निरन्तर ढुङ्गामाटोको लेदो बगिरहेकाले सडक अवरुद्ध हुनसक्ने बताइएको छ । यस्तै पहिरोको कारण पुतलीकाठ–पाइले–चिलाउनेखड्क सडक अवरुद्ध हुँदा गाउँसम्म बस चल्न सकेको छैन ।
क्याटेगोरी : बिबिध
ताजा अपडेट
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
- अरनिको राजमार्ग विस्तार : जग्गा अधिग्रहण र सम्पदा व्यवस्थापनमा समस्या
- घटस्थापना अगाडि सडक मर्मत गरिसक्न निर्देशन
- मेची भन्सारबाट दुई अर्ब ४२ करोड राजस्व सङ्कलन
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया