गाउँपालिकामा बैंक नहुँदा समस्या
आशिष बहादुर सिंह २०७९, साउन ११ ११:३० 
बझाङ । बझाङको साइपाल गाउँपालिकाका बासिन्दालाई स–सानो रकम जम्मा गर्न होस् वा निकाल्न होस् अर्को गाउँपालिका जानुपर्ने बाध्यता छ । पालिकामा शाखा खोल्ने जिम्मा पाएको बैंकले समयमै शाखा नखोल्दा त्यहाँका नागरिकलाई बैंकिङ सेवा लिन निकै सकस परेको हो । घन्टौँ हिँडेर अर्को गाउँपालिकासम्म जाँदा पनि पालो नपाइने र भुक्तानी नपाइनेलगायतका गुनासो सेवाग्राहीको छ ।
सेवाग्राही तीनदेखि चार दिन पैदल हिँडेर सदरमुकाम चैनपुुरबाट बैंकिङ सेवा लिन बाध्य रहेको साइपाल गाउँपालिकाका अध्यक्ष मानबहादुर बोहरा बताउँछन् । ‘यहाँका नागरिकले तीनदेखि चार दिनको बाटो हिँडेर सदरमुकाम चैनपुुरबाट बैंकिङ सेवा लिइरहेको अवस्था छ’, उनले भने, ‘अहिले गाडी तलकोटसम्म पुगेकाले केही सहज छ तर पैदल हिँडेर जानेहरूले तीन–चार दिनको बाटो हिँड्नुपर्ने हुनाले गाह्रो छ ।’ अध्यक्ष बोहराले वृृद्धवृदाहरूको भत्ता भने सचिवमार्फत रकम निकालेर गाउँपालिकाले प्रत्येकको घर–घरमा गएर बुझाइरहेको बताए । अहिले इन्टरनेट, सञ्चार, टेलिफोन, बाटोलगायतको समस्या रहेको उल्लेख गर्दै उनले त्यो समस्यालाई समाधार गरी एभरेष्ट बैंकलाई ताकेता गरी बैंक गाउँपालिकामा पु-याउने योजनामा गाउँपालिका रहेको बताए । अहिले त गाउँमा बैंक पनि छैन तर हुँदा सुरक्षाको दृष्टिकोणले पनि जोखिम रहेको गाउँपालिकामाा कार्यरत लेखा पवन भट्टराईले बताए । गाउँपालिकामा लुटेराद्वारा रकम लुुट्ने प्रयास भएको र स्थानीयले लुटेराका समूहलाई तितरबितर बनाएको पनि बताए ।
नेपालका सात सय ५२ स्थानीय तहमा वाणिज्य बैंकका शाखा विस्तार भएको छ । बझाङमा १२ स्थानीय तहमध्ये ११ पालिकामा बैंकिङ सेवा पुगिसकेका छन् । नेपालभरि सात सय ५३ स्थानीय तहमध्ये सात सय ५२ स्थानीय तहमा वाणिज्य बैंकका शाखा विस्तार भएको छ । राष्ट्र बैंकका प्रवक्ता गुणाकर भट्टका अनुुसार अब बझाङको साइपाल गाउँपालिकामा मात्रै वाणिज्य बैंकका शाखा पुग्न बाँकी रहेको छ । सबै स्थानीय तहमा वाणिज्य बैंकको कम्तीमा एक शाखा विस्तार गर्ने राष्ट्र बैंकको नीतिबमोजिम हालसम्म पनि सुदूरपश्चिम प्रदेशअन्तर्गत बझाङ जिल्लाको साइपाल गाउँपालिकामा वाणिज्य बैंकको शाखा पुग्न नसकेको हो । त्यसो त साइपालमा एभरेष्ट बैंकले शाखा खोल्ने जिम्मा पाएको थियो । बैंकले विद्युत्, इन्टरनेट, टेलिफोन रसडकलगायतको समस्याका कारण देखाउँदै शाखा खोल्न नसकेको जनाइएको छ । साइपालमा चार सय ५० घरधुरी छन् । त्यहाँका ३ हजार मानिस बैंकिङ पहुँचबाट टाढा छन् ।
क्याटेगोरी : बिबिध
ताजा अपडेट
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया