प्लास्टिकजन्य सामग्रीको आयात, उत्पादन र बिक्रीवितरणमा प्रतिबन्ध
काठमाडौं । सरकारले प्लास्टिकजन्य पुष्पगुच्छा, मालालगायतका सामग्रीको आयात, उत्पादन र बिक्रीवितरण तथा भण्डारणमा रोक लगाएको छ । वन तथा वातावरण मन्त्रालयमातहतको वातावरण विभागले मंगलबार प्लास्टिकजन्य सामग्रीको आयातमा रोक लगाउने सूचना जारी गरेको छ । वातावरण प्रदूषण कम गर्नदेखि लिएर मानवीय स्वास्थयलाई मध्यनजर गर्दै विभागले प्लास्टिकजन्य सामग्रीको आयातमा रोक लगाउने सूचना जारी गरेको हो ।
प्लास्टिकजन्य पुष्पगुच्छा र मालाको आयातमा रोक लगाउँदा वार्षिक करिब १० करोड रूपैयाँको आयात रोकिने विभागले जनाएको छ । वातावरण प्रदूषण पनि कम हुने र स्वदेशी किसानले उत्पादन गरेका प्राकृतिक फूलको उपयोग बढ्दा पुष्प व्यवसाय पनि प्रवर्द्धन हुने भएकाले यस्ता सामग्रीको आयातदेखि उत्पादन र बिक्रीवितरणमा रोक लगाइएको विभागले जनाएको छ ।
यस्तै विभागले ४० माइक्रोनभन्दा पातलो प्लास्टिकको झोला बन्देज गर्ने निर्णयलाई व्यावहारिकरूपमा कार्यान्वयन गर्न सबैलाई आग्रह गरेको छ । विभागले प्लास्टिकको झोला बन्देज गर्ने नेपाल सरकारको निर्णय र सर्वोच्च अदालतको परमादेशलाई कार्यान्वयन गरेर सहयोग गर्न आग्रह गरेको छ । भदौ १ गतेदेखि ४० माइक्रोनभन्दा पातलो प्लास्टिक झोला उत्पादन, आयात, बिक्रीवितरण तथा प्रयोगको अवस्थालाई कडाइका साथ अनुगमन गरिने विभागले जनाएको छ । सरकारको निर्णयविपरीत प्रयोग भएको पाइएमा वातावरण संरक्षण ऐन, २०७६ र वातावरण संरक्षण नियमावली २०७७ बमोजिम कारबाही हुने वातावरण विभागले जारी गरेको सूचनामा भनिएको छ ।
वन तथा वातावरण मन्त्री प्रदीप यादवले फोहोर व्यवस्थापन एवं वातावरण प्रदूषण रोक्नका लागि पनि प्लास्टिकजन्य झोलाको प्रयोगलाई निरुत्साहित गर्नुपर्ने बताए । १७ माघ २०७८ को मन्त्रिपरिषद्को निर्णयअनुसार प्लास्टिक झोला प्रतिबन्धसम्बन्धी कार्ययोजना २०७८ स्वीकृत भई कार्यान्वयनको चरणमा भए पनि प्रभावकारीरूपमा कार्यान्वयन हुन सकेको छैन ।
प्लास्टिकको झोला प्रयोगमा बन्देज लगाउँदा अधिकांश नालाहरूमा प्लास्टिककै कारण ढल थुनिने, माटो प्रदूषण हुने, उर्वर शक्तिमा ह्रास आउनेजस्ता समस्याको समाधान हुने मन्त्री यादवको विश्वास छ । कागज वा कपडाको झोलालाई प्रोत्साहन गर्नुका साथै प्लास्टिक व्यवसायीलाई विकल्प प्रदान गर्नुपर्ने उनले जोड दिएका छन् । कोभिड–१९ को प्रकोपका कारण अनुगमन खुकुलो भए पनि अब अनुगमनलाई तीव्रता दिएर यस्ता सामग्रीको प्रयोग भएको पाइएमा कानुनबमोजिम कारबाही पनि गरिने उनले बताए ।
क्याटेगोरी : समाचार
ताजा अपडेट
- उद्यमशीलताका लागि कर्जा सुरक्षण अत्यावश्यक
- आर्थिककर्मी बस्नेत सम्मानित
- बैंकहरुले दिए घरजग्गामा छ खर्ब ५५ अब ऋण
- धुम्रबराह माध्यमिक विद्यालयको जग्गा कब्जा गर्न भू–माफिया सक्रिय
- सुपथ मूल्य पसलमा भीड
- दशैंको साइत २६ गते बिहान ११:३६ बजे
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया