मर्जरमा सेयर कारोबार रोक्का गर्नेसम्बन्धी व्यवस्था गर्न बोर्डले कार्यविधि बनाउने
काठमाडौैं । नेपाल राष्ट्र बैंकले आर्थिक वर्ष २०७९–०८० को मौद्रिक नीतिमार्फत मर्जर तथा प्राप्ति प्रक्रियामा सेयर कारोबार रोक्का नहुने नीति ल्याएसँगै सेयर कारोबारसँग प्रत्यक्ष जोडिएको नियमनकारी निकाय नेपाल धितोपत्र बोर्डले सेयर कारोबार रोक्कासम्बन्धी कार्यविधि ल्याउने भएको छ । मौद्रिक नीतिमार्फत राष्ट्र बैंकले सेयर कारोबार रोक्ने वा नरोक्नेसम्बन्धी व्यवस्था धितोपत्र बोर्डको नियमअनुसार हुनेगरी मौद्रिक नीति सार्वजनिक गरेको थियो ।
सोहीअनुसार बोर्डले चालू आर्थिक वर्षको लागि आफ्नो नीति तथा कार्यक्रम सार्वजनिक गर्दै सेयर कारोबार रोक्का, नयाँ ब्रोकर कम्पनीलाई लाइसेन्स दिने, दोस्रो बजार पूर्णरूपमा विद्युतीय बनाउनेलगायतका योजनासहितको नीति तथा कार्यक्रम सार्वजनिक गरेको कार्यविधि बनाउन लागेको बोर्डका अध्यक्ष रमेश हमालले जानकारी दिए । आफू जहिले पनि मर्जर तथा प्राप्तिको लागि लामो समयसम्म सेयर कारोबार रोक्का गर्न नहुने पक्षमा रहेको र सोहीअनुसार चालूआवको मौद्रिक नीतिको लागि नेपाल राष्ट्र बैंकले सोही कुरा उल्लेख गरी सुझाव दिएको उनले बताए । ‘अहिले भने राष्ट्र बैंकले सोहीअनुसार नीति ल्याएको र त्यसलाई कसरी कार्यान्यवनमा ल्याउने भन्ने निर्णय गर्ने अधिकार बोर्डलाई दिएको छ । सोहीअनुसार बोर्डको मर्जर तथा प्राप्तिको लागि सेयर कारोबार रोक्नेसम्बन्धी कार्यविधि बनाउन लागेको हो’, अध्यक्ष हमालले भने, ‘सम्भवतः सेयर कारोबार रोक्कासम्बन्धी नयाँ व्यवस्था आगामी १० दिनभित्र सार्वजनिक गर्छौँ ।’
क्याटेगोरी : बैंक बित्त बजार
ताजा अपडेट
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
- अरनिको राजमार्ग विस्तार : जग्गा अधिग्रहण र सम्पदा व्यवस्थापनमा समस्या
- घटस्थापना अगाडि सडक मर्मत गरिसक्न निर्देशन
- मेची भन्सारबाट दुई अर्ब ४२ करोड राजस्व सङ्कलन
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया