काठमाडौं । बैंकिङ कसुरसम्बन्धी मुद्दाका दुई जना फरार प्रतिवादी पक्राउ परेका छन् । काठमाडौं उपत्यका अपराध अनुसन्धान कार्यालय मिनभवनका सूचना अधिकारी प्रहरी उपरीक्षक कृष्ण प्रसाद कोइरालाका अनुसार बैंकिङ कसुरसम्बन्धी मुद्दामा दुई जना व्यक्तिहरुलाई पक्राउ गरिएको हो ।
पक्राउ पर्नेहरुमा खोटाङको दिक्तेल रुपाकोट घर भई हाल काठमाडौंको पुरानो बानेश्वर बस्ने ३५ वर्षीया माया बस्नेत थापा र काभ्रेको रोशी गाउँपालिका घर भई हाल भक्तपुरको ठिमी नगरपालिका ३ गठाघर बस्ने ४२ वर्षीय गोर्खामान तामाङ रहेको प्रहरी उपरीक्षक कोइरालाले जानकारी दिए । ‘तीमध्ये तामाङलाई सोमबार भक्तपुरको गठाघरबाट र थापालाई सोमबार ललितपुरको बंगलामुखीबाट पक्राउ गरिएको हो’, प्रहरी उपरीक्षक कोइरालाले भने ।
वादी नेपाल सरकार र प्रतिवादी थापा भएको बिगो ९० लाख रुपैयाँ कायम बैंकिङ कसुरसम्बन्धी मुद्दामा थापाउपर उच्च अदालत पाटनले पक्राउ पुर्जी जारी गरेको थियो । ‘सोपश्चात् फरार रहेकी थापालाई ललितपुरको बंगलामुखीबाट पक्राउ गरी मंगलबार आवश्यक कारबाही तथा अनुसन्धानको लागि प्रहरी वृत्त बालाजु पठाएका हौँ’, प्रहरी उपरीक्षक कोइरालाले भने । प्रतिवादी थापाले भरतमणि घर्ती मगर समेतका व्यक्तिहरुलाई समेत वैदेशिक रोजगारीमा पठाइदिन्छु भनेर रकम ठगी गरेको विषयमा वैदेशिक रोजगार विभागमा उजुरी परी पक्राउ पुर्जी समेत जारी भएको अनुसन्धानबाट खुलेको छ ।
यसैगरी तामाङउपर पनि उच्च अदालत पाटनले छ लाख रुपैयाँ जरिवाना, तीन दिन कैद र २४ हजार रुपैयाँ क्षतिपूर्ति शुल्क भराउने गरी फैसला भएको र सोपश्चात् फरार रहेका तामाङलाई भक्तपुरको गठाघरबाट पक्राउ गरी फैसला कार्यान्वयनको लागि जिल्ला अदालत ललितपुर पठाइएको प्रहरी उपरीक्षक कोइरालाले जानकारी दिए ।
क्याटेगोरी : समाचार
ताजा अपडेट
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
- आजको विदेशी मुद्रा विनिमयः अमेरिकी डलर, यूरो र पाउन्डको मूल्य घट्यो
- रुपन्देहीमा उद्योग खोल्नेभन्दा बन्द गर्ने धेरै, दुई महिनामा एक सय आठ उद्योग बन्द
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया