ठूलो मात्रामा लागुऔषध गाँजाको फँडानी
आशिष बहादुर सिंह २०७९, भदौ ७ १२:०५ 
बझाङ । लागुऔषध नियन्त्रण तथा दुर्व्यसनलाई निरुत्साहित पार्नका लागि जिल्ला प्रहरी कार्यालय बझाङले विभिन्न ठाउँमा चरेस र भाँगो उत्पादनका लागि लगाइएको गाँजाखेती नष्ट गर्ने अभियान सुरु गरेको छ । खेतबारीमा लगाइएको तथा विभिन्न ठाउँमा आफैँ उम्रिएको गाँजा नष्ट गर्न सुरु गरिएको जिल्ला प्रहरी कार्यालय बझाङका सूचना अधिकारी प्रहरी निरीक्षक रमेश अवस्थीले बताए ।
उनका अनुसार अहिले जिल्लाको वित्डचिर, थलारा, मष्टा, केदारस्युँ, छबिसपाथिभेरा गाउँपालिकार र जयपृथ्वी नगरपालिकका विभिन्न भागमा लगाएको र आफैँ उम्रिएको गाँजालाई प्रहरीको टोली, स्थानीय बासिन्दा तथा जनप्रतिनिधि मिलेर नष्ट गरिरहेका छन् । साथै अन्य पालिकाहरू सुर्मा, तल्कोट, खप्तड छान्नालगायतका भुभागमा लगाइएको गाँजाका बोटहरूलाई नष्ट गरिने अवस्थीले बताए । जिल्लाभर आइतबारसम्म मात्रै झन्डै १० रोपनी जग्गामा उम्रिएको र लगाइएको गाँजा नष्ट गरिएको जिल्ला प्रहरी कार्यालय बझाङले जनाएको छ । गाँजाबाट चरेस उत्पादन हुने भएका कारण चरेसलाई नियन्त्रण गर्ने मुख्य उद्देश्यले आफैँ उत्पादन भएको र लगाएको गाँजालाई नष्ट गर्ने अभियान सुरु गरिएको जिल्ला प्रहरी कार्यालयका प्रमुख प्रहरी नायब उपरीक्षक जागेश्वर भण्डारीले बताए । बझाङको साइपाल गाउँपालिका, वित्थडचिर गाउँपालिका, सुर्मा गाउँपालिका, छबिसपाथिभेरा गाउँपालिका, बुंगल नगरपालिकाका माथिल्लो भागहरूमा स्थानीयहरूले गाँजाको खेती गर्नेगरेको पाइन्छ ।
तीन वर्षमा १९ जना प्रकाउ, ९२ किलो चरेस बरामद
जिल्ला प्रहरी कार्यालय बझाङको तथ्यांकअनुसार पछिल्लो तीन वर्षमा मात्रै गाँजा चरेससँग सम्बन्धित मुद्दामा १९ जना पक्राउ परेका छन् । पक्राउ परेकाहरूबाट ९२ किलो सात सय १९ ग्राम चरेस बरामद गरी नष्ट गरिएको छ । योसँगै पछिल्लो तीन वर्षको अवधिमा एक सय २० किलो चरेस नष्ट गरिएको प्रहरीको तथ्यांक छ ।
बझाङमा पछिल्लो तीन आर्थिक वर्षमा आर्थिक वर्ष २०७६/०७७ देखि आव २०७९/०८० को हालसम्म लागुऔषध चरेससहित १५ जना पुरुष चार जना महिला गरी १९ जना कारबाहीको दायरामा पुगेका हुन् । चार जना पुरुष र एक जना महिला गरी पाँच जना फरार रहेका र उनीहरूको खोजी भइरहेको प्रहरी प्रमुख जागेश्वर भण्डारीले बताए । आर्थिक वर्ष २०७६/०७७ मा सबैभन्दा बढी ११ जना पुरुष दुई जना महिलालाई प्रहरीले पक्राउ गरेको छ भने एक जना पुरुष फरार रहेका प्रहरीको तथ्यांकमा उल्लेख छ । उनीहरूबाट यस आवमा ३९ केजी दुई सय ३९ ग्राम चरेस बरामद गरिएको थियो ।
यस्तै आव २०७७/०७८ मा २५ केजी सात ग्राम ८१ मिलिग्रामसहित दुई पुरुष एक महिलालाई प्रहरीले लागुऔषध चरेससहित पक्राउ गरेको थियो । आर्थिक वर्ष २०७८/०७९ मा २७ केजी सात सय ८० ग्राम लागुऔषध चरेससहित एक महिला पक्राउ परेकी छन् भने दुई जना पुरुष फरारको सूचीमा छन् । अहिलेसम्म २७ केजी सात सय ८० ग्राम चरेससहित दुई जना पुरुषलाई प्रहरीले नियन्त्रणमा लिएको छ । त्यसैगरी एक महिला एक पुरुष फरारको सूचीमा रहेको भण्डारीले बताए ।
क्याटेगोरी : बिबिध
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया