काठमाडौं । यस साता सेयरबजार परिसूचक दुई हजार २२ दशमलव ६२ विन्दुमा कायम रहेको छ । यसैगरी क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि तीन सय ९१ दशमलव ७४ विन्दुमा सीमित भएको छ । यस साता धितोपत्र बजारमा दुई सय २३ वटा कम्पनीहरूको सेयर कारोबार भएका छन् । जसअनुसार एक लाख ९६ हजार एक सय ७३ पटकको कारोबारमा दुई करोड ६१ लाख दुई हजार चार सय ४७ कित्ता सेयर खरिदबिक्री हुुँदा कुल कारोबार रकम नौ अर्ब ६४ करोड ५३ लाख ९७ हजार सात सय ५५ रुपैयाँ पुगेको छ । यो कारोबार रकम गत साताको तुलनामा झण्डै एक अर्ब रुपैयाँले कम हो ।
गत साता भने धितोपत्र बजारमा दुई सय २७ वटा कम्पनीहरूको सेयर कारोबार भएका थिए । जसअनुसार एक लाख ९२ हजार चार सय ७७ पटकको कारोबारमा दुई करोड ५५ लाख ९१ हजार एक सय २३ कित्ता सेयर खरिदबिक्री हुुँदा कुल कारोबार रकम १० अर्ब ५० करोड ५० लाख ७३ हजार आठ सय ८० रुपैयाँ पुगेको थियो । यस साता नेप्सेको नियमित कारोबार कक्ष छ कार्यदिन नै खुला रहेको थियो । जसमध्ये तेस्रो र चौथो दिन सेयरबजार परिसूचक उकालो लागेको थियो भने पहिलो, दोस्रो, पाँचौँ र छैटौँ दिन सेयरबजार परिसूचक ओरालो लागेको थियो ।
जसमध्ये पहिलो कारोबार दिन बजार परिसूचक सात दशमलव ७२ अंकले ओरालो लागेर दुई हजार ६० दशमलव ५५ विन्दुुमा झरेकोमा क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि एक दशमलव ४९ अंकले ओरालो लागेर तीन सय ९८ दशमलव ५८ विन्दुमा झरेको थियो । दोस्रो कारोबार दिन पनि बजार परिसूचक सात दशमलव ४१ अंकले ओरालो लागेर दुई हजार ५३ दशमलव १३ विन्दुमा झरेकोमा सेन्सिटिभ इन्डेक्स पनि एक दशमलव ४७ अंकले ओरालो लागेर तीन सय ९७ दशमलव ११ विन्दुमा झरेको थियो ।
तेस्रो कारोवार दिन भने बजार परिसूचक एक दशमलव ८५ अंकले उकालो लागेर दुई हजार ५४ दशमलव ९८ विन्दुुमा चढेकोमा क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि शून्य दशमलव ५८ अंकले उकालो लागेर तीन सय ९७ दशमलव ६९ विन्दुमा चढेको थियो । चौथो कारोबार दिन पनि बजार परिसूचक दुई दशमलव ८६ अंकले उकालो लागेर दुई हजार ५७ दशमलव ८४ विन्दुमा चढेकोमा सेन्सिटिभ इन्डेक्स पनि शून्य दशमलव छ विन्दुले उकालो लागेर तीन सय ९८ दशमलव २९ विन्दुमा चढेको थियो ।
पाँचौँ कारोबार दिन भने बजार परिसूचक १८ दशमलव २९ अंकले ओरालो लागेर दुई हजार ३९ दशमलव ५५ विन्दुमा झरेकोमा सेन्सिटिभ इन्डेक्स पनि तीन दशमलव ७८ विन्दुले ओरालो लागेर तीन सय ९४ दशमलव ५१ विन्दुमा झरेको थियो । छैटौँ कारोबार दिन पनि बजार परिसूचक १६ दशमलव ९३ अंकले ओरालो लागेर दुई हजार २२ दशमलव ६२ विन्दुमा झरेकोमा सेन्सिटिभ इन्डेक्स पनि दुई दशमलव ७७ अंकले ओरालो लागेर तीन सय ९१ दशमलव ७४ विन्दुमा झरेको थियो ।
यस साता बढी रकम कारोबार गर्ने कम्पनीहरूको सूचीमा शिवम् सिमेन्ट, नेसनल हाइड्रोपावर कम्पनी, नेपाल टेलिकम आदि अगाडि परेका छन् भने सेयर कारोबार भएको संख्याको आधारमा शिवम् सिमेन्ट, नेपाल टेलिकम, नेसनल हाइड्रोपावर कम्पनी आदि अगाडि परेका छन् । यसैगरी बजार पुँजीकरणको आधारमा भने यस साता पनि नेपाल टेलिकम, नबिल बैंक, नेपाल लाइफ इन्स्योरेन्स कम्पनी आदि परेका छन् ।
क्याटेगोरी : बैंक बित्त बजार
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया