भारत । भारतीय एसयूभी बजारमा लामो समययता सर्वाधिक बिक्रीमा पहिलो नम्बरमा रहेको टाटा नेक्सनलाई मारुती सुजुकीको ब्रेजाले अगष्ट महिनामा पछाडि पारेको छ । योसँगै ब्रेजा भारतमा सर्वाधिक बिक्री हुनेमा पहिलो नम्बरमा परेको हो ।
अगष्ट महिनाको सेल्स रिपोर्टमा कम्पनीहरुबीच धेरै हेरफेर देखिएको छ । उक्त महिनामा मारुती सुजुकीले ह्याचब्याकसँगै अब एसयूभी सेग्मेन्टमा पनि पकड जमाएको छ । यो वर्ष मारुती सुजुकीले धेरै स्वरुप र फिचरसाथ अल न्यु ब्रेजा सार्वजनिक गरेको छ ।
जसको सुरुवाती मूल्य (एक्स शोरुममा) ७ लाख ९९ हजार भारु छ। यता दोस्रो सर्वाधिक बिक्री हुनेमा परेको टाटा नेक्सनको मूल्य ७ लाख ६० हजार भारु छ । अगस्ट महिनामा ब्रेजा १५ हजार १ सय ९३ युनिट बिक्री भएको रिपोर्टले देखाएको छ । टाटा नेक्सनको भने १५ हजार ८५ युनिट बिक्री भएको छ । नेक्सनको तुलनामा ब्रेजा १०८ युनिट बढी बिक्री भएको छ ।
झण्डै आठ महिनापछि ब्रेजाले टाटा नेक्सनको ठाउँ खोसेको हो । नयाँ ब्रेजा सार्वजनिक भएसँगै ग्राहकहरु यसतर्फ आकर्षित भएको देखिएको छ। ब्रेजा लन्चअघि नै ४५ हजार युनिट बुक भइसकेको थियो ।
यी हुन् भारतका ५ सर्वाधिक बिक्री हुने एसयूभी
रिपोर्टअनुसार तेस्रो नम्बरमा हुन्डाईको क्रेटा सर्वाधिक बिक्री भएको छ । यो १२ हजार ५ सय ७७ युनिट बिक्री भएको देखिएको छ । टप १० कारमा टाटा पञ्च पनि सामेल छ । यो कार १२ हजार ६ वटा बिक्री भएको छ ।
मूल्यको कुरा गर्दा भारतमा टाटा नेक्सनको ७ लाख ६० हजारदेखि १४ लाख आठ हजारसम्म पर्छ । त्यस्तै मारुती ब्रेजाको मूल्य सात लाख ९९ हजारदेखि १३ लाख ९६ हजार भारुसम्म पर्न आउँछ । हुन्डाई क्रेटाको मूल्य १० लाख ४४ हजारदेखि १८ लाख १८ हजार भारुसम्म पर्छ ।
टाटा पञ्चको मूल्य पाँच लाख ९३ हजार भारुदेखि ९ लाख ४९ हजार भारुसम्म पर्छ । यो सबै एक्स शोरुम मूल्य हो ।
क्याटेगोरी : विश्व बजार
ताजा अपडेट
- लगानी बोर्ड बैठकः बूढीगण्डकीलगायत विभिन्न जलविद्युत् परियोजनाको लगानी स्वीकृत
- एमाले सांसद लीलाबल्लभ राखेकै कोठामा रास्वपा सभापती रविलाई राखियो
- गृह मन्त्रालयले गर्यो १२ उपसचिवहरुको सरुवा
- प्रधानमन्त्री ओलीको आसन्न चीन भ्रमणमा ८७ सदस्यीय टोली सहभागी हुने
- भ्रष्टाचार मुद्दामा विकल पौडेल र सफल श्रेष्ठलाई ८ वर्ष कैद,३ करोड बढी बिगो जरिवाना
- अर्थमन्त्री पौडेल र फिनल्याण्डका विकासमन्त्री ताभियोबीच भेटवार्ता
- वर्ल्डलिङ्क कम्युनिकेसन्समा फिनफण्डको एक करोड युरो लगानी
- रास्वपा सभापति लामिछानेलाई काठमाडौँ लगियो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया