आर्थिक मन्दीको चिन्ताले घट्यो कच्चा तेलको मूल्य
भारतमा पेट्रोल १०६ भारु प्रतिलिटरसम्म
काठमाडौं । विश्वमा आर्थिक मन्दीको डरका बीच कच्चा तेल सस्तो भएको छ । अमेरिकी फेडेरल रिजर्भ र बैंक अफ इंग्ल्यानड तथा स्विस बैंकले प्रमुख ब्याजदरमा वृद्धि गरेका छन् । यसले मन्दीलाई लिएर चिन्ता बढाएको छ । गत हप्ताको अन्तिम कारोबार दिन शुक्रबार ब्रेन्ट क्रुड ४.२१ प्रतिशत अर्थात् ३.८१ डलरले घटेर ८६.६५ डलर प्रतिब्यारेलमा बन्द भएको थियो ।
त्यस्तै डब्ल्यूटीआई ८० डलरभन्दा कम कायम भएको छ । उक्त तेल ४.८६ प्रतिशत अर्थात् ४.०६ डलरको भारी गिरावटसँगै ७९.४३ डलर प्रतिब्यारेल कायम भएको थियो । कच्चा तेलको मूल्यमा गिरावटका बाबजुद भारतमा लामो समययता पेट्रोल र डिजेलको मूल्य बदलिएको छैन ।
बीपीसीएलसँग पेट्रोबासको सम्झौता भारतीय पेट्रोलियम कर्पोरेसन लिमिटेडले कच्चा तेल आयातको लागि ब्राजिलको तेल कम्पनी पेट्रोबाससँग एक सम्झौता गरेको भारतीय मिडियाले जनाएका छन् ।
बीपीसीएल धेरै कच्चा तेल आयात गर्ने भारतीय कम्पनी हो । कम्पनीले महाराष्ट्रका मुम्बई, मध्यप्रदेशको बीना र केरलाको कोच्चीमा रहेको तीन तेल प्रशोधन केन्द्रमा प्रशोधन गरी डिजेल र पेट्रोल उत्पादन गर्छ । कम्पनी कच्चा तेलको बढी मात्रामा इराक र साउदी अरबजस्ता देशबाट आयात गर्छ । अहिले भने कम्पनीले ब्राजिलबाट तेल आयात गर्न उक्त सम्झौता गरेको बताइएको छ ।
भारतमा आइतबार पेट्रोलको मूल्य ९६.७२ भारु र डिजेल ८९.६२ रुपैयाँ प्रतिलिटर भारुमा बिक्री भएको छ । मुम्बईमा भने पेट्रोल १०६.३१ भारु प्रतिलिटर र डिजेल ९४.२७ भारु प्रतिलिटरमा कारोबार भइरहेको छ । भारतमा प्रदेशअनुसार मूल्य फरक हुने गर्छ ।
क्याटेगोरी : विश्व बजार
ताजा अपडेट
- ‘हिउँ चितुवा संरक्षणमा लगानी बढाउनुपर्छ’
- हनी ट्रयापमा संलग्न रहेको अभियोगमा तीन जना पक्राउ
- नाष्टको ४८औँ प्राज्ञसभा: १२ विधामा पुरस्कृत गरिने
- २७ सय ४८ बिन्दुमा खुम्चियो शेयर बजार
- नेपालमा विज्ञान, इन्जिनियरिङ क्षेत्रमा चुनौती: उपप्रधानमन्त्री सिंह
- ‘परियोजनाको लाभ लक्षित वर्गमा सुनिश्चित हुनुपर्ने’
- पाल्पामा धान उत्पादन बढेपछि किसान उत्साहित
- सरकारले निजी क्षेत्रसँग सहकार्य गर्न खोजेको छ: मन्त्री भण्डारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया