बैंकहरूले तीन महिनामा कमाए १८ अर्ब ७५ करोड
१४ बैंकको नाफा बढ्दा १२ वटा बैंकको नाफा घट्यो
सुरेश राउत २०७९, कात्तिक १३ १०:४५ 
काठमाडौं । बैंकहरूले चालू आर्थिक वर्षको पछिल्लो तीन महिनाको अवधिमा १८ अर्ब ७५ करोड रूपैयाँ खुद मुनाफा कमाएका छन् । यो नाफा अघिल्लो आवको सोही अवधिको तुलनामा झण्डै छ प्रतिशत अर्थात् एक अर्ब पाँच करोड रूपैयाँले बढी हो । गत आवको सोही अवधिमा वाणिज्य बैंकहरूको यस्तो नाफा १७ अर्ब ७० करोड रूपैयाँ रहेको थियो ।
बैंकहरूले सार्वजनिक गरेको चालू आवको पहिलो त्रैमासिक अपरिष्कृत वित्तीय विवरणअनुसार यस अवधिमा १४ वटा बैंकहरूको नाफा बढेको छ । नाफा बढ्नेमा बैंक अफ काठमाण्डू, सेन्चुरी कमर्सियल बैंक, हिमालयन बैंक, नेपाल एसबीआई बैंक, प्रभु बैंक, स्टान्डर्ड चार्टर्ड बैंक, एभरेष्ट बैंक, कुमारी बैंक, नेपाल इन्भेष्टमेन्ट बैंक, राष्ट्रिय वाणिज्य बैंक, नबिल बैंक, एनआईसी एसिया बैंक, र ग्लोबल आईएमई बैंक र सिभिल बैंक रहेका छन् । यीबाहेकका एनएमबी, प्राइम कमर्सियल, सनराइज, कृषि विकास, सिद्धार्थ, मेगा, एनसीसी, सानिमासहितका १२ वटा बैंकहरूको खुद मुनाफा भने घटेको छ ।
चालू आवको पहिलो त्रैमासमा सबैभन्दा बढी नाफा एनआईसी एसिया बैंकले कमाएको छ भने सबैभन्दा कम नाफा सनराइज बैंकले कमाएको छ । सोअनुसार एनआईसी एसियाले एक अर्ब ७५ करोड ६७ लाख ७९ हजार रूपैयाँ खुद मुनाफा कमाउँदा सनराइजले १६ करोड ५८ लाख २७ हजार रूपैयाँ खुद मुनाफा कमाएको छ । गत आवको सोही अवधिमा भने एनआईसी एसियाले एक अर्ब १८ करोड छ लाख १९ हजार रूपैयाँ खुद मुनाफा कमाउँदा सनराइजले ४३ करोड सात लाख १६ हजार रूपैयाँ खुद मुनाफा कमाएको थियो । नबिल बैंक भने एक अर्ब ५७ करोड १५ लाख ३७ हजार रूपैयाँ खुद मुनाफा कमाएको आधारमा चालू आवको पहिलो त्रैमासमा सबैभन्दा बढी नाफा कमाउने दोस्रो ठूलो बैंक बनेको छ ।
गत आवको सोही अवधिमा नबिलको यस्तो नाफा एक अर्ब ११ करोड २२ लाख ३४ हजार रूपैयाँ रहेको थियो । बढी नाफा कमाउनेमा तेस्रो र चौथो स्थानमा पर्न सफल भएको राष्ट्रिय वाणिज्य बैंक र ग्लोबल आईएमई बैंकले भने चालू आवको पहिलो त्रैमासमा क्रमशः एक अर्ब २४ करोड ६६ लाख ७८ हजार र एक अर्ब १८ करोड ९५ लाख ४५ हजार रूपैयाँ खुद मुनाफा कमाएका छन् । गत आवको सोही अवधिमा यी बैंकहरूको यस्तो नाफा क्रमशः एक अर्ब पाँच करोड छ लाख १४ हजार र एक अर्ब ११ करोड २२ लाख २४ हजार रूपैयाँ रहेको थियो । नेपाल इन्भेष्टमेन्ट, कुमारी र एनएमबीले भने चालू आवको पछिल्लो अवधिमा क्रमशः एक अर्ब १४ करोड पाँच लाख ९७ हजार, एक अर्ब १४ लाख ५९ हजार र ९० करोड ४१ लाख ३४ हजार रूपैयाँ खुद मुनाफा कमाएका छन् । गत आवको सोही अवधिमा यी बैंकहरूको यस्तो नाफा क्रमशः ९७ करोड ३७ लाख ९५ हजार, ५४ करोड ११ लाख १९ हजार र एक अर्ब चार करोड ४४ लाख ३७ हजार रूपैयाँ रहेको थियो ।
चालू आवको पहिलो त्रैमासमा प्राइम कमर्सियल, एभरेष्ट, स्टान्डर्ड चार्टर्ड र प्रभु बंैकले क्रमशः ८७ करोड ४१ लाख ७० हजार, ८६ करोड २२ लाख ३७ हजार, ८१ करोड १३ लाख ९७ हजार र ७० करोड ५० लाख छ हजार रूपैयाँ खुद मुनाफा कमाएका छन् । गत आवको सोही अवधिमा यी बैंकहरूले क्रमशः ९७ करोड ७९ लाख ३४ हजार, ५७ करोड ६६ लाख ७३ हजार, ४८ करोड १८ लाख ४७ हजार र ६३ करोड ६३ लाख २१ हजार रूपैयाँ खुद मुनाफा कमाएका थिए । नेपाल एसबीआई, नेपाल बैंक, सानिमा बैंक र हिमालयन बैंकले भने चालू आवको पहिलो त्रैमासमा क्रमशः ७२ करोड ७३ लाख ५७ हजार, ६० करोड ४० लाख ९८ हजार, ५४ करोड ८२ लाख २० हजार र ५३ करोड २४ लाख ७५ हजार रूपैयाँ खुद मुनाफा कमाएका छन् ।
गत आवको सोही अवधिमा यी बैंकहरूले क्रमशः ३७ करोड २१ लाख ९१ हजार, ७५ कारेड ४८ लाख ५५ हजार, ५६ करोड ७८ लाख ६० हजार, ४५ करोड २८ लाख ५३ हजार रूपैयाँ खुद मुनाफा कमाएका थिए । एनसीसी, सिटिजन्स र लक्ष्मी बैंकले भने पछिल्लो अवधिमा ५१ करोड ६८ लाख ३६ हजार, ५० करोड १२ लाख १५ हजार र ५० करोड ३४ लाख २० हजार रूपैयाँ खुद मुनाफा कमाएका छन् । गत आवको सोही अवधिमा यी बैंकहरूले क्रमशः ५१ करोड ८० लाख ६७ हजार, ६८ करोड ७३ लाख ९९ हजार र ५५ करोड २८ लाख ७० हजार रूपैयाँ खुद मुनाफा कमाएका थिए ।
मेगा, सिभिल, सिद्धार्थ, र माछापुच्छ्रे भने चालू आवको पहिलो त्रैमासमा क्रमशः ५० करोड ९१ लाख ६९ हजार, ४१ करोड ५० लाख ९१ हजार, ४९ करोड ८२ लाख ५० हजार र ४५ करोड ११ लाख ८३ हजार रूपैयाँ खुद मुनाफा कमाएका छन् । गत आवको सोही अवधिमा यी बैंकहरूको यस्तो नाफा क्रमशः ९१ करोड ४६ लाख ८६ हजार, २१ करोड १८ लाख ४९ हजार, ९४ करोड ८७ लाख ३१ हजार र ५६ करोड १५ लाख ३६ हजार रूपैयाँ रहेको थियो । चालू आवको पहिलो त्रैमासिक अवधिमा सेञ्चुरी, बैंक अफ काठमाण्डू र कृषि विकास बैंकले भने क्रमशः ३१ करोड ८५ लाख १५ हजार, २८ करोड छ लाख १५ हजार र २२ करोड नौ लाख ५३ हजार रूपैयाँ खुद मुनाफा कमाएका छन् । गत आवको सोही अवधिमा भने यी बैंकहरूको यस्तो नाफा क्रमशः २७ करोड २४ लाख ७६ हजार, २५ करोड ३४ लाख ७७ हजार र ४८ करोड ५३ लाख ७८ हजार रूपैयाँ रहेको थियो ।
क्याटेगोरी : समाचार
ताजा अपडेट
- ऊर्जामन्त्री खड्काद्वारा ढल्केवर सबस्टेसनको निरीक्षण
- पन्ध्रौँ इक्यान शैक्षिक मेला असोज १३ गते
- २५ सय बिन्दुमा खुम्चियो शेयर बजार
- शुक्रराज अस्पतालमा सरुवा रोगका बिरामीको चाप बढे
- देशका गौरब र पहिचान भनेकै भाषा, साहित्य, संस्कृति: राष्ट्रपति पौडेल
- नेपालको अर्थतन्त्र सुधार हुँदै: आईएमएफ उपनिर्देशक
- काठमाडौंमा अमूर्त सांस्कृतिक सम्पदासम्बन्धी अन्तर्राष्ट्रिय सेमिनार
- ‘कनेक्टिङ कर्णाली’अन्तर्गत काठमाडौंमा मगुका तस्वीर-भिडियो प्रदर्शन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया