वाणिज्य बैंकहरूमा झण्डै तीन प्रतिशतसम्म कर्जा निष्क्रिय
काठमाडौं । वाणिज्य बैंकहरुमा झण्डै तीन प्रतिशतसम्म कर्जा निष्क्रिय देखिएको छ । बैंकहरुले सार्वजनिक गरेको चालू आर्थिक वर्षको पहिलो त्रैमासिक अपरिष्कृत वित्तीय प्रतिवेदनअनुसार सञ्चालनमा रहेका २६ वटा वाणिज्य बैंकहरुमा शून्य दशमलव ३३ देखि दुई दशमलव ९४ प्रतिशतसम्म कर्जा निष्क्रिय देखिएको छ ।
गत आवको सोही अवधिमा भने यी वाणिज्य बैंकहरुमा निष्क्रिय कर्जाको अनुपात शून्य दशमलव १३ देखि तीन दशमलव एक प्रतिशतसम्म रहेको थियो ।
वाणिज्य बैंकहरुमध्ये सबैभन्दा बढी निष्क्रिय कर्जा सनराइज बैंकमा छ भने सबैभन्दा कम निष्क्रिय कर्जा एभरेष्ट बैंकमा छ । चालू आवको पहिलो त्रैमासिकमा सनराइजमा दुई दशमलव ९४ प्रतिशत कर्जा निष्क्रिय हुँदा एभरेष्टमा शून्य दशमलव ३३ प्रतिशत कर्जा निष्क्रिय छ । गत आवको सोही अवधिमा भने यी दुई बैैंंकहरुमा यस्तो कर्जाको अनुपात क्रमशः एक दशमलव १३ र शून्य दशमलव १३ प्रतिशत थियो ।
सटिजन्स, राष्ट्रिय वाणिज्य बैैंक, एनसीसी र बैंक अफ काठमाण्डूमा चालू आवको पहिलो त्रैमासिकमा क्रमशः दुई दशमलव ८९, दुई दशमलव ४८, दुई दशमलव ४६ र दुई दशमलव ४६ प्रतिशत कर्जा निष्क्रिय छ । गत आवको सोही अवधिमा यी बैंकहरुमा यस्तो कर्जाको अनुपात क्रमशः एक दशमलव ९७, तीन दशमलव एक, एक दशमलव ४८ र शून्य दशमलव ९२ प्रतिशत थियो ।
यीबाहेकका नेपाल बैंक, नबिल बैंक, कृषि विकास बैंक, हिमालयन बैंंक, सिद्धार्थ बैैंंक र ग्लोबल आईएमई बैंकहरुमा पनि निष्क्रिय कर्जाको अनुपात क्रमशः दुई दशमलव ३६, दुई दशमलव ३३, दुई दशमलव ३८, दुई दशमलव ३१, दुई दशमलव १५ र दुई दशमलव १० प्रतिशत छन् । गत आवको सोही अवधिमा यी बैंकहरुमा यस्तो कर्जाको अनुपात क्रमशः दुई, एक दशमलव १३, दुई दशमलव शून्य आठ, शून्य दशमलव ५८, शून्य दशमलव ५४ र एक दशमलव ६२ प्रतिशत थियो ।
चालू आवको पहिलो त्रैमासिकमा एनएमबी बैंक, सेञ्चुरी कमर्सियल बैंक, प्राइम कमर्सियल बैंंक, कुमारी बैंक, लक्ष्मी बैंक, प्रभु बैंक, मेगा बैंक, नेपाल इन्भेष्टमेन्ट बैंक, सिभिल बैंक र माछापुच्छ्रे बैंकसहितका १० वटा बैंकहरुमा भने निष्क्रिय कर्जाको अनुपात दुई प्रतिशतभन्दा तल छ । यसैगरी एनसीसी बैंक, नेपाल एसबीआई बैंक, स्ट्यान्डर्ड चार्टर्ड बैंक र एभरेष्ट बैंकमा भने निष्क्रिय कर्जाको अनुपात एक प्रतिशतभन्दा पनि तल छ ।
क्याटेगोरी : समाचार
ताजा अपडेट
- कुमारी बैंक भिसा इन्टरनेसनलद्वारा दुई विधामा सम्मानित
- हिमालय उर्जाको १४ लाख कित्ता बढी सेयर लिलाममा
- तालिवानको सत्तामा पीडित महिला
- न्युयोर्कमा भव्यरुपमा मनाइयो इन्द्रजात्रा
- आर्थिक संकट र सुधारको खोजी
- डेङ्गी महामारीको बारेमा केही इतिहास केही रहस्य
- सुशासन कागजमा लेखेर कायम हुने होइन
- पर्वत अस्पतालले स्वास्थ्य बीमाको रकम पाएन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया