युनिक नेपाल लघुवित्तको नाफा २२ लाख ७५ हजार रुपैयाँले ऋणात्मक

काठमाडौं । युनिक नेपाल लघुवित्त वित्तीय संस्थाले चालू आर्थिक वर्षको पहिलो त्रैमासिक अवधिमा २२ लाख ७५ हजार रुपैयाँ खुद नोक्सानी बेहोरेको छ । गत आवको सोही अवधिमा भने संस्थाले तीन करोड २३ लाख ६९ हजार रुपैयाँ खुद मुनाफा कमाएको थियो ।

हाल चुक्ता पुँजी ११ करोड छ लाख ३२ हजार रुपैयाँ रहेको संस्थाले चालू आवको पहिलो त्रैमासिक अवधिमा दुई अर्ब ४२ करोड ८१ लाख २७ हजार रुपैयाँ निक्षेप संकलन गरी तीन अर्ब ९९ करोड २८ लाख २१ हजार रुपैयाँ कर्जा प्रवाह गरेको छ । सो अवधिमा पाँच करोड ८९ लाख ३८ हजार रुपैयाँ खुद ब्याज आम्दानी गरेको संस्थाको प्रोभिजन रकम छ करोड ७४ लाख १९ हजार रुपैयाँ रहेको छ भने निष्क्रिय कर्जाको अनुपात पाँच दशमलव ७० प्रतिशत रहेको छ ।

गत आवको सोही अवधिमा भने संस्थाले दुई अर्ब १५ करोड ९५ लाख ९५ हजार रुपैयाँ निक्षेप संकलन गरी तीन अर्ब ३६ करोड ७५ लाख ९३ हजार रुपैयाँ कर्जा प्रवाह गरेको थियो । उक्त अवधिमा सात करोड सात लाख ४२ हजार रुपैयाँ खुद ब्याज आम्दानी गरेको संस्थाको प्रोभिजन रकम छ करोड ८७ लाख ३६ हजार रुपैयाँ रहेको थियो भने निष्क्रिय कर्जाको अनुपात छ दशमलव ३० प्रतिशत रहेको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments