एजेन्सी,फागुन २३
विश्वव्यापी रुपमा फैलिइरहेको कोरोना भाइरस (कोभिड१९) को संक्रमण रोक्न अन्तर्राष्ट्रिय मुद्रा कोषले ५० अर्ब अमेरिकी डलर सहयोगको घोषणा गरेको छ । भाइरस प्रभावित देशमा रोकथामका लागि उक्त सहयोग गर्ने कोषले बताएको बीबीसीले जनाएको छ । कोभिड१९ कै कारण यस वर्ष विश्व आर्थिक वृद्धिदर समेत गत वर्षभन्दा कम रहने अनुमान समेत कोषले गरेको छ । चीनको वुहानबाट सुरु भएको भाइरस संक्रमण अहिले ७० भन्दा बढी देशमा फैलिइसकेको छ । बुधबार मात्रै विश्व बैंकले कोरोना प्रभावित विकासोन्मुख देशलाई १२ अर्ब डलर सहयोगको घोषणा गरिसकेको छ । भाइरसले विकराल अवस्था सृजना गर्ने भएपछि विश्वका सरकार तथा केन्द्रीय बैंकहरुले अर्थतन्त्र जोगाउन आवश्यक कदम चाल्न थालेका छन् । त्यस्तै विश्वका वित्तीय संस्थाले पनि त्यसलाई रोक्ने गरी सहयोगको घोषणा गर्न थालेका छन् । कोषको घोषणा पनि यही सन्दर्भमा आएको हो । कोषका अनुसार गरिब र मध्यम आय भएका देशहरुलाई स्वास्थ्य प्रणाली सुधारमा खर्च गर्ने गरी सहयोग रकमको घोषणा गरिएको हो । यस वर्ष तीव्र आर्थिक वृद्धिदरको अपेक्षा गरिए पनि भाइरसले डरलाग्दो रुप लिँदा विश्व अर्थतन्त्रमा प्रभाव पर्ने देखिएको छ । कोषले २०२० को विश्व अर्थतन्त्र वृद्धिदर सन् २००८ को विश्व वित्तीय संकटयताकै सुस्त हुने अनुमान गरेको छ । कोषकी प्रबन्धनिर्देशक क्रिष्टालिना जर्जिएभाले कोरोनाको असरबारे अहिले नै प्रतिक्रिया दिनु चाँडो हुने बताइन् । गत मंगलबार मात्रै अमेरिकी केन्द्रीय बैंकले ब्याजदर कटौती गरेको थियो । सोही दिन अस्ट्रेलिया र मलेसियाले पनि ब्याजदर कटौती गरेका थिए । बेलायती केन्द्रीय बैंकले पनि ब्याजदर कटौतीको निर्णय गर्न लागेको बीबीसीले जनाएको छ ।
महामारीका रूपमा देखिएको कोरोना भाइरस (कोभिड–१९) संक्रमणको प्रभाव चीनमा अस्थायीरूपमा केही समय रहने यहाँको वाणिज्य मन्त्रालयले बिहीबार जनाएको छ ।सिन्ह्वाका अनुसार वाणिज्य मन्त्रालयको विदेश व्यापार विभागका निर्देशक ली जिंगकियानले भिडियोमार्फत गरिएको एक पत्रकार सम्मेलनमा भने, ‘चीनले विदेशी व्यापार उद्यमलाई उत्पादन पुनः सुरु गर्न र प्रकोपबाट हुने नतिजालाई कम गर्न प्रक्रियालाई जारी राखेको र छिट्टै सबै ठीक हुनेछ ।’ उनले भने, ‘झेजियांग र तियानजिनका सबै प्रमुख विदेशी व्यापार कम्पनीहरूले फेरि काम सुरु गरेका छन् भने गुआङडोङ, जियाङ्सु, सांघाई, शान्दोङ र चोंकिङका ७० प्रतिशतभन्दा बढी विदेशी व्यापार कम्पनीहरूले उत्पादन पुनः सुरु गरिसकेका छन् ।’ उनले सरकारले कम्पनी सञ्चालनका लागि गरेको सहयोगको नीति प्रभावकारी बन्न थालेकोले धेरैभन्दा धेरै कम्पनीहरू काममा फर्किएको र चीनको वैदेशिक व्यापारले क्रमशः गति लिन थालेको दाबी गरे । ‘यद्यपि पहिलो त्रैमासिकमा चीनको निर्यात र आयात दुवैमा कम हुनेछ’, लीले भने । देशको वैदेशिक व्यापारको सकारात्मक विकासको प्रवृत्ति परिवर्तन हुन स्वाभाविक रूपमा लामो समय लाग्छ ।’
मन्त्रालयले आफ्नो नीतिगत प्रणालीलाई अझ समृद्ध बनाउने दाबी गरेको छ । ‘विदेशी व्यापार उद्यमहरूलाई थप छरितो उपायहरू प्रदान गर्न सहयोग पु¥याउनेछ, उत्पादन पुनः सुरु गर्न र विश्वव्यापी आपूर्ति शृंखलाको स्थिरता कायम गर्न मद्दत गर्नेछ’, लीले भने ।
क्याटेगोरी : विश्व बजार
ताजा अपडेट
- कुलमान विरुद्धको पेशी अर्को बर्ष मात्र !
- धरहरा चढ्न शुल्क लाग्ने
- बाल अधिकार रक्षकहरूको राष्ट्रिय भेला काठमाडौंमा सुरु
- रेमिट्यान्स भित्र्याउनेमा रेकर्ड : सुखद् कि दुःखद्
- डेङ्गु किन गम्भीर जनस्वास्थ्य खतरा बन्दैछ ?
- निर्वाचन आचारसंहिता ‘अचार’ बन्ने खतरा
- नीतिगत र संस्थागत सुधारविना पुँजीगत खर्च बढाउन कठिन
- स्वास्थ्य सेवा ऐनका लागि मन्त्रिपरिषद्बाट सैद्धान्तिक स्वीकृति
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया