बेइजिङ । चीनको शांघाई र अन्य ठूला सहरमा कोभिड १९ नियन्त्रणका लागि लगाइएको लकडाउनको विरोधमा प्रदर्शन भएको छ । साउथ चाइना मर्निङ पोस्टका अनुसार विश्वविद्यालय, क्याम्पसलगायतमा समेत चीन सरकारको शून्य कोभिड नीतिको खुलेर विरोध भएको हो ।
खुल्ला रुपमा विरोध प्रदर्शन हुनुलाई चीनमा विरलै मानिन्छ । सी चिनफिङले राष्ट्रपतीय तेस्रो कार्यकाल सुरु गरेको एक महिना नबित्दै देशका धेरै भागमा सरकारी नीतिको खुलेर विरोध प्रदर्शन भएको हो । गत बिहीबार सिन्जियाङको राजधानी उरुम्कीमा आवासीय भवनमा आगलागी भएको थियो । त्यो घटनामा १० जनाको मृत्यु र ९ जना घाइते भएका थिए । त्यसपछि विरोध प्रदर्शन सुरु भएको थियो ।
कोभिड कडाइको कारण धेरै घाइतेलाई अस्पताल पु-याउन र भवन छाड्न नदिइएको भन्दै विरोध भएको हो । त्यसको अर्को दिन सयौँ आवासीय मानिसहरुले उरुम्कीका सडकमा लकडाउन अन्त्य गर्न माग गरेका थिए । लकडाउनको कदमले ४० लाख मानिसलाई सय दिनसम्म आफ्नो घर छाड्न रोक लगाएको छ । शनिबार सिन्जियाङका सरकारी अधिकारीहरुले चरणबद्ध रुपमा कोभिड लकडाउन हटाउने बताए पनि विरोध प्रदर्शन रोक्न नसकेको बताइएको छ । खासगरी युवा विद्यार्थीमाझ आक्रोश बढिरहेको छ ।
चिनियाँ राजधानी सहर बेइजिङमा समेत मानिसहरु भेला भएर स्थानीय सरकारी अधिकारीसँग आमनेसामने भएका छन् । बेइजिङ, सियान, नान्जिङ, चोन्किङ, छेन्दु, वुहान र अन्य सहरका विश्वविद्यालयमा विद्यार्थीहरुले विरोध प्रदर्शन गरेका छन् । सामाजिक सञ्जालमा समेत विरोध प्रदर्शनका भिडिओहरु भाइरल भएको बताइएको छ ।
क्याटेगोरी : विश्व बजार
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया