काठमाडौं । डीएभी विद्यालयले शिक्षकहरुलाई लक्षित गर्दै तीन दिने न्यूरो इनक्लुजन प्रशिक्षण एवं कार्यशाला गोष्ठी सञ्चालन गरेको छ । विश्वको जनसंख्याको २० प्रतिशत हिस्सा न्यूरो डाइभरजेन्ट रहेको र उनीहरुको शिक्षण फरक ढङ्गबाट हुनुपर्ने मान्यता न्यूरोडाइभरजेन्ट विद्वानहरुको रहेको छ । सोही अनुसार गोष्ठीमा मुख्य प्रशिक्षक जोएल एस. गोडीले न्यूरो डाइभरजेन्ट विद्यार्थीहरुको पहिचान, उनीहरुलाई आवश्यक पर्ने शिक्षण विधि र प्रोत्साहनलगायतका विषय प्रस्तुत गरेका थिए ।
विश्वमा स्थापित शैक्षिक प्रणालीले बहुमत जनसंख्याको आवश्यकतालाई सम्बोधन गर्न सफल भए पनि न्यूरोइनक्लुजन धारणा विकसित राष्ट्रमा समेत नौलो रहेको फ्रान्सेली प्रशिक्षक क्याथेरिन गुइमार्डले बताइन् । उनले नेपालमा यस विषयप्रति चासो रहनु निकै खुसीको खबर समेत रहेको बताइन् । डीएभी विद्यालयकी प्राचार्य डा. भुवनेश्वरी रावले विद्यालयमा हरेक विद्यार्थीहरु खुसीका साथ पढ्ने अवसर पाउनुपर्ने मत आफूले राख्दै आएको र न्यूरोइनक्लुजन अवधारणाले विद्यार्थीहरुको अन्तर्निहित क्षमता प्रस्फुटन गराउन सहयोग पुग्नेमा विश्वस्त थिइन् । ‘हरेक विद्यार्थीले शिक्षकको मनमस्तिष्कमा रहेको अनुभुति गर्न सक्नुपर्छ’, डा.रावले भनिन् ।
अध्ययनले बताएअनुसार न्यूरोडाइभरजेन्ट व्यक्तिहरुको दिमाग अत्यन्तै सक्रिय रहने गर्दछ र यसलाई उनीहरुको रुचिअनुसार सही दिशानिर्देश गर्नसके उनीहरुले समाज, राष्ट्र र विश्वकै लागि अतुलनीय योगदान पु-याउन सक्छन् । तर यसलाई नबुझी सामान्य व्यक्तिअनुरुप शिक्षादीक्षा दिए उनीहरु जीवनमा असफल रहने अध्ययनले देखाएको छ । प्रशिक्षणको दोस्रो दिन गोडीसँगै अष्ट्रेलियाली प्रशिक्षक वाटाली फीलिप्स—फाउन्डर न्यूरोगीफ्टेड र तेस्रो दिन सारा लुइस फाउन्डर वार्यड डीफ्रेन्टली, यूके र सूइडेनी इलिजावेथ विकल्याण्डरको प्रशिक्षण रहेको थियो । यसैबीच डीएभी विद्यालयका अध्यक्ष अनील केडियाले आगामी शैक्षिक सत्रदेखि न्यूरो डाइभरजेन्ट पाठ्यक्रम तयार पारी शिक्षण प्रक्रिया अगाडि बढाउने जानकारी दिए । अध्ययनले देखाएअनुसार विश्वविख्यात वैज्ञानिक, उद्योगपति, कलाकारलगायत अन्य पेसामा संलग्नहरु न्यूरोडाइभरजेन्ट रहेको मुख्य प्रशिक्षक जोएलले जानकारी गराए ।
क्याटेगोरी : नेपाल
ताजा अपडेट
- नेपाली विद्यार्थीलाई बेलायतमा अध्ययन गर्न विशेष छात्रवृत्तिको अवसर
- बीवाईडीद्वारा एक करोड एनईभी उत्पादन
- एनसेलमा भ्वाइस सेवा डेटासँग र डेटा सेवा भ्वाइससँग साट्न सकिने
- कीर्तिमानी अलराउन्डर साद बिन जफर लुम्बिनी लायन्सबाट खेल्ने
- ऊर्जा दक्षता प्रवर्द्धनको निमित्त अनुुदान योजना
- समृद्धि फाइनान्सको २३औँ साधारणसभा सम्पन्न
- महालक्ष्मी विकास बैंकको कार्यालय भवनको भूमिपूजा
- आत्मनिर्भर लघुवित्त घाटामा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया