काठमाडौं । नेपाल इन्भेष्टमेन्ट बैंकले ३६औँ वार्षिक साधारणसभा सम्पन्न गरेको छ । बैंकले बिहीबार बैंक सञ्चालक समितिका अध्यक्ष पृथ्वी बहादुर पाँडेको सभापतित्वमा आफ्नो ३६औँ वार्षिक साधारणसभा सम्पन्न गरेको हो ।
सभामार्फत बैंकले आर्थिक वर्ष २०७८/०७९ को खुद मुनाफामध्येबाट आफ्ना सेयरधनीहरूलाई ११ प्रतिशत लाभांश वितरण गर्ने प्रस्ताव पारित गरेको छ । उक्त लाभांशमा चार प्रतिशत बोनस सेयर र सात प्रतिशत नगद लाभांश रहेको छ । गत आवमा बैंकले छ अर्ब २८ करोड रुपैयाँ सञ्चालन मुनाफा तथा तीन अर्ब ७९ करोड रुपैयाँ खुद मुनाफा कमाएको थियो । बोनस सेयर वितरणपश्चात् बैंकको चुक्ता पुँजी १९ अर्ब तीन करोड रुपैयाँ पुगेको छ ।
बैंकको कुल निक्षेप अघिल्लो वर्ष एक खर्ब ७९ अर्ब ४० करोड रुपैयाँ रहेकोमा २०७८/०७९ एक खर्ब ८६ अर्ब ७६ करोड रुपैयाँ पुगेको छ । त्यसैगरी कर्जा लगानीतर्फ अघिल्लो वर्ष एक खर्ब ६१ अर्ब ९१ करोड रुपैयाँ रहेकोमा आव २०७८/०७९ मा एक खर्ब ६४ अर्ब ८२ करोड रुपैयाँ रहेको छ । नेपाल इन्भेष्टमेन्ट बैंक र मेगा बैंकबीच मर्जरमा जाने निर्णय साधारणसभाले पारित गरेको छ ।
यसबाहेक सभाले मर्जरपश्चात् बन्ने बैंकको नाम नेपाल इन्भेष्टमेन्ट मेगा बैंक लिमिटेड रहने प्रस्ताव पनि पारित गरेको छ । बैंकको हाल ८८ वटा शाखा, एक सय ३१ वटा एटीएम, २३ वटा एक्सटेन्सन काउन्टर, १० वटा राजस्व संकलन काउन्टर तथा ५९ वटा शाखारहित बैंकिङ सेवा रहेको छ । यी सबैमार्फत बैंकले १० लाखभन्दा बढी ग्राहकहरूलाई वित्तीय सेवा प्रदान गर्दै आएको छ । स्तरीय बैंकिङ सेवा प्रदान गरेबापत बैंकले बेलायतको द फाइनान्सियल टाइम्सले प्रदान गर्ने बैंक अफ दि एयर अवार्ड छैटौं पटक २०२२ मा प्राप्त गर्न सफल भएको छ । साथै बैंकले अन्तर्राष्ट्रिय प्रकाशन युरोमनीले प्रदान गर्ने बैंक बैंक २०१८ र बेष्ठ बैंक २०२१ को युरोमनी अवार्डहरू समेत प्राप्त गरेको छ ।
क्याटेगोरी : बैंक बित्त बजार
ताजा अपडेट
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया