महेन्द्र शाही
सोलुखुम्बु, फागुन २८
कोरोना भाइरसको सम्भावित जोखिमप्रति ध्यान दिँदै तेन्जिङ हिलारी विमानस्थल लुक्लामा हेल्थ डेस्कको स्थापना गरिएको छ । सोलुखुम्बुको खुम्बु पासाङ ल्हामु गाउँपालिकाले विमानस्थलमा हेल्थ डेस्क स्थापना गरेर यात्रुको स्वास्थ्य परीक्षण गर्न सुरु गरेको हो । शनीबारदेखि सञ्चालन गरिएको हेल्थ डेस्कमा बिहान ५ बजेदेखिनै दुई जना स्वास्थ्यकर्मी खटिएको विमानस्थलका प्रमुख इमानाथ अधिकारीले जानकारी दिए । हेल्थ डेस्कमा शंकास्पद बिरामी फेला परेमा थप अनुसन्धान र उपचारका लागि काठमाडौँ पठाइने गाउँपालिकाले जनाएको छ । अहिले गाउँपालिकामा बिरामी नदेखिएको भए पनि सतर्कता अपनाउन डेक्स स्थापना गरिएको जनाइएका छ । विदेशीहरू आउने भएकाले त्यसतर्फ लक्षित गरी डेक्स स्थापन गरिएको आउँपालिकाको भनाइ छ ।
पर्यटकीय क्षेत्र भएकाले विमानस्थलमार्फत खुम्बु भित्रिने पर्यटकस्वास्थ्य परीक्षण गर्नका लागि हेल्थ डेक्सको स्थापना गरेको प्रमुख प्रसाशकीय अधिकृत विनोद भटराईले बताए । अहिले दैनिक करिब ५० जनाको स्वास्थ्य परीक्षण गरिएको गाउँपालिकाले जनाएको छ । हाल खुम्बु क्षेत्रमा पर्यटकीय सिजन सुरुभएपनि कोरोनाकै कारण चहलपहल कम छ । हाल दैनिक ५० देखि ६० जनासम्म पर्यटक खुम्बु क्षेत्रको भ्रमणमा आउनेगरका छन् ।त्रिभुवन अन्तर्राष्ट्रिय विमनस्थलबाट हवाई मार्ग हुँदै सगरमाथा क्षेत्र घुम्न आउने स्वदेशी तथा विदेशी पर्यटक तेञ्जिङ हिलारी विमानस्थल लुक्ला आउँछन् ।
सगरमाथा राष्ट्रिय निकुञ्जसमेत रहेको यस क्षेत्रमा वर्षेनी हजाराँै पर्यटकले खुम्बु भ्रमण गर्नेगरेका छन् । यस क्षेत्रका मानिसहरूको मुख्य आम्दानीको स्रोतनै पर्यटन हो । तर, यस वर्ष कोरोनाका कारण पर्यटन क्षेत्रमा ठूलो असर परेकाले व्यवसायी चिन्तित छन् । करोडौँ लगानी गरेर पर्यटकलक्षित होटलपसल सञ्चालन गरेको भएपनि पर्यटक नआउँदा आफूहरू चिन्तित बनेको नाम्चेका होटलव्यवसायी लामाकाजी शेर्पाले बताए ।
क्याटेगोरी : समाचार
ताजा अपडेट
- ज्योति विकास बैंक सम्मानित
- मानव तस्करीमा मुछिएका ११ जना विरुद्ध मुद्दा पूर्वमन्त्री अधिकारीलाई उन्मुक्ति !
- राहदानी प्रणालीमा ‘र्यान्समवेअर’ आक्रमण भएको कसरी थाहा भयो, कहिलेदेखि सबैतिर सेवा सुरु हुन्छ?
- श्रीलंकाको विद्युत् पूर्वाधारका लागि एडीबीले २० करोड डलर ऋण दिने
- युक्रेनद्वारा रूसी तेल तथा ऊर्जा केन्द्रमा प्रहार
- बदलिँदै दुर्गमको परिचय
- चन्द्रागिरिद्वारा युवालाई ‘डिजिटल’ तालिम
- सेती नदीको पुल निर्माण: २८ प्रतिशत भौतिक प्रगति
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया