महासंघ र आन्तरिक राजस्व विभागबीच करदाता शिक्षा कार्यक्रम सञ्चालन गर्ने सम्झौता
काठमाडौं, फागुन २८
साना तथा मझौला करदाताहरूलाई लक्षित गरी आन्तरिक राजस्व विभाग र नेपाल उद्योग वाणिज्य महासंघबीच मुलुकभर करदाता शिक्षा कार्यक्रम सञ्चालन गर्नेसम्बन्धी एक समझारीपत्रमा हस्ताक्षर भएको छ । अघिल्लो आर्थिक वर्षमा पनि विभाग र महासंघबीच सोही उद्देश्यले समझदारीपत्रमा हस्ताक्षर भएको थियो । समझदारीपत्रमा महासंघका अध्यक्ष भवानी राणा र विभागका महानिर्देशक विनोदबहादुर कुँवरले हस्ताक्षर गरेका छन् ।
तालीमको माध्यमबाट करसम्बन्धी शिक्षा प्रदान गरी कर कानुनले निर्दिष्ट गरेका व्यवस्थाहरू परिपालना गर्न, कर फारामहरू भर्दा हुने त्रुटिहरू कम गर्न तथा कर सहभागितामा व्यवसायीहरूको अभिवृद्धिका लागि यो कार्यक्रम सञ्चालन गरिएको हो । अधिकांश साना व्यवसायीहरू आफू एक जनाले नै सबै काम हेर्ने जस्तैः व्यवसाय गर्ने, लेखा राख्ने, कर तिर्ने, विवरण बुझाउनेजस्ता सबै काम एक्लै गर्ने हुँदा उनीहरूलाई आर्थिक ऐनले गरेका छुट, सुविधा तथा व्यवस्थाको बारेमा जानकारी गराउनु यो कार्यक्रमको मुख्य उद्देश्य रहेको छ ।
सन् २०१५ देखि जीआईजेडको राजस्व प्रशासन सहयोगको प्राविधिक सहयोगमा निरन्तररूपमा विभिन्न जिल्लामा आयकर, मूल्य अभिवृद्धि कर तथा अन्तःशुल्कसम्बन्धी तालिम सञ्चालन हुँदै आएको छ । सोही कार्यक्रमअन्तर्गत हालसम्म विभिन्न ३९ जिल्लामा ४६ वटा तालिम कार्यक्रम सञ्चालन भएका र पछिल्लो चरण (२०७६ भदौदेखि फागुनसम्म)मा मात्र सातै प्रदेश समेटिने गरी २० जिल्लामा २१ वटा तालिम कार्यक्रम सञ्चालन गरिएको छ । २१ वटा तालिममध्ये दुईवटा तालिम महिला उद्यमीहरूलाई मात्र लक्षित गरेर सञ्चालन गरिएको थियो ।
जिल्ला छनोट गर्दा उद्योग वाणिज्य संघहरूको मागको आधारमा महासंघ र विभागले संयुक्तरूपमा त्यहाँस्थित करदाताको संख्या, करदाता सेवा कार्यालयको सेवा प्रवाह तथा प्रादेशिक सन्तुलनका आधारमा छानेको थियो । करिब एक हजार पाँच सयभन्दा बढी करदाता व्यवसायीहरू प्रत्यक्षरूपमा तालिममा सहभागी भएर यसको फाइदा लिएको महासंघले जनाएको छ । कार्यक्रममा विशेषगरी बिल बिजक जारी गर्ने, खाता पाता कसरी चुस्त दुरुस्त राख्ने, कर गणना कसरी गर्ने, कर विवरणहरू कसरी भर्ने, अनलाइन विवरण बुझाउने तरिकाजस्ता विषयमा केन्द्रित रही कर अनुपालनाका सम्बन्धमा जोड दिइएको थियो ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया