काठमाडौं । रूपन्देहीका एक व्यापारीले पहिलो कम्पनीबाट ३३ करोड रुपैयाँभन्दा बढीको राजस्व छली गरी फरक–फरक कम्पनीबाट कारोबार गर्नेगरेको पाइएको छ ।
राजस्व अनुसन्धान विभागका अनुसार रूपन्देही जिल्लाको सिद्धार्थनगर नगरपालिका वडा नं. ३, स्थायी ठेगाना भई सोही नगरपालिकाको वडा नं. ६, गल्लामण्डीमा सञ्चालित सुमित एन्ड स्वयता ट्रेडर्सका प्रोप्राइटर पूनित बनियाँले राजस्व छली गरेको पाइएको हो । बानियाले आफ्नो नाममा दर्ता भएको फर्मको आय विवरण र सोबमोजिमको करयोग्य आयमा लाग्ने कर रकम समेत आन्तरिक राजस्व कार्यालयमा दाखिला गर्नुपर्नेमा नगरी अन्य विभिन्न फर्म प्रयोग गरी अवैध तवरले कारोबार गर्नेगरेको पाइएको विभागले जनाएको छ । उक्त फर्मले बुझाउनुपर्ने राजस्व नबुझाई अर्को फर्मबाट कारोबार गरेको देखिँदा उनले जानाजान गलत नियतले कारोबार लुकाउने उद्देश्य राखेको विभागको दाबी छ । सरकारलाई नियमानुसार तिर्नु बुझाउनुपर्ने राजस्व समेत नबुझाई निरन्तर एकपछि अर्को फर्मबाट कारोबार गर्दै आइरहेको र उनले कर कार्यालयलाई समेत गुमराहमा राख्न नितान्त राजस्व छल्ने नियतले कार्य गरेको भन्दै विभागले उनीविरुद्ध राजस्व चुहावटको कसुरमा उच्च अदालत तुलसीपुर बुटवल इजलासमा मुद्दा दायर गरेको छ ।
विभागका अनुसार बानियाँले ३३ करोड तीन लाख ५० हजार आठ सय ९६ रुपैयाँबराबरको राजस्व छली गरेको पाइएकाले सोही रकमबमोजिम बिगो असुल गरी शतप्रतिशत जरिवाना र हँदैसम्मको कैद सजाय मागदाबी लिई अभियोग पत्र दायर गरिएको छ ।
क्याटेगोरी : समाचार
ताजा अपडेट
- निर्यात बढाउन हरसम्भव प्रयत्न गर्ने प्रतिबद्धता
- बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया