अमेरिका । टेस्लाका सहसंस्थापक इलोन मस्कले एक विवादित ट्विट प्रकरणमा परेको मुद्दामा सफाइ पाएका छन् । विद्युतीय कार कम्पनी टेस्लालाई निजी कम्पनीमा रुपान्तरण गर्न लगानी जुटाएको भन्दै सन् २०१८ अगस्टमा उनले ट्विट गरेका थिए ।
त्यसले सेयरधनीलाई ढाँटेको र अर्बौँ डलर गुमाउनुपरेको भन्दै परेको आफूविरुद्धको मुद्दामा मस्क निर्दोष साबित भएको बीबीसीले जनाएको छ । प्रस्तावित ७२ अर्ब डलरको किनबेच भौतिक रुपमा भने देखिएन । यदि उनी दोषी पाइएका भए उनले अर्बौँ डलर तिर्नुपर्ने हुन्थ्यो । गत शुक्रबार नौवटा न्यायाधीशको समूहले मस्कलाई सफाइ दिएको हो । मस्कले यो मुद्दालाई कम्पनी रहेको राज्य टेक्ससमै लैजान चाहेका थिए । उनले सन फ्रान्सिस्कोमा आफूले न्याय नपाउने बताउँदै आए पनि अहिले अदालतको यो फैसलालाई स्वागत गरेका छन् ।
सन् २०१८ अगस्ट ७ मा उनले ४२० अमेरिकी डलर प्रतिकित्ता सेयर मूल्यमा कम्पनीलाई प्राइभेट बनाउनेबारे सोचिरहेको र यसको लगानी समेत सुरक्षित भएको बताएका थिए । त्यसयता टेस्लाका सेयरको मूल्य ह्वात्तै बढेको थियो । पछि त्यही दिन सेयर घट्न पुगेको थियो । सो क्रममा लगानीकर्ताहरुले १२ अर्ब डलरसम्म गुमाएको बताइएको थियो । सेयर किनबेचमा संलग्नहरुले ट्विटकै आधारमा कारोबार गरेको बताएका थिए ।
अमेरिकी धितोपत्र विनिमय आयोग (एसईसी)ले उनीविरुद्ध यही प्रकरणमा मुद्दा हालेको थियो । उनले लगानीकर्तालाई ढाँटेको मुद्दामा आरोप लगाइएको थियो । तीन हप्ता लामो सुनुवाइका क्रममा मस्कले साउदी अरेबियाबाट उक्त सम्झौताका लागि मौखिक प्रतिबद्धता आएको बताएका थिए । सो क्रममा उनले आफूले ट्विट गरेकै भरमा कारोबार गर्न नहुने वकालत गरेका थिए । एजेन्सी
क्याटेगोरी : विश्व बजार
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया