प्रभु लाइफ इन्स्योरेन्सका एमडीआरटी विजेता सम्मानित

काठमाडौं । प्रभु लाइफ इन्स्योरेन्स लिमिटेडले चितवनको सौराहामा ‘एमडीआरटी एचिभर्स ग्रान्ड अवार्ड सेरेमोनी’ विभिन्न कार्यक्रम गरी भव्यताका साथ सम्पन्न गरेको छ । कम्पनीले फागुन १० देखि १२ गतेसम्म सञ्चालन गरेको उक्त कार्यक्रममा कम्पनीबाट एमडीआरटी २०२३ मा छनोट भएका विजयी अभिकर्ताहरूलाई सम्मान गरेको हो । एमडीआरटी एचिभर्स ग्रान्ड अवार्ड सेरेमोनीको उद्घाटन कम्पनीका प्रमुख कार्यकारी अधिकृत सन्तोष प्रसाईले गरेका हुन् ।

तीन दिनसम्म सञ्चालन भएको उक्त कार्यक्रममा अभिकर्ताहरूलाई सम्मान, अन्तर्राष्ट्रिय प्रशिक्षकद्वारा मोटिभेसनल सेसन एवं विभिन्न रिफ्रेसमेन्ट कार्यक्रमहरू रहेका थियो । कार्यक्रमलाई सम्बोधन गर्दै कम्पनीका प्रमुख कार्यकारी अधिकृत प्रसाईले सबैको मिहिनेतले नै सफलता प्राप्त गरी यस्तो उत्सव मनाउन लागिएको बताए । उनकाअनुसार दृढ संकल्पले नै कम्पनीको साझा लक्ष्य हासिल गर्न सकिएको हो । यो सफलताको उचाइ आगामी दिनहरूमा पनि अझ उचाइमा पुग्ने विश्वास एवं प्रण व्यक्त गरे ।

]कार्यक्रममा कम्पनीका उच्च व्यवस्थापन समूह, प्रदेश प्रमुखहरू, शाखा प्रमुखहरू एवं अभिकर्ताहरूलगायतको उल्लेख्य सहभागिता रहेको कम्पनीले जारी गरेको प्रेस विज्ञप्तिमा जनाइएको छ ।