बीवाईडीको विद्युतीय सवारीसाधन खरिदका लागि कुमारी बैंकले कर्जा दिने

काठमाडौं । बीवाईडी ब्रान्डको विद्युतीय सवारीसाधन खरिदका लागि कुमारी बैंकले कर्जा प्रदान गर्ने भएको छ । साइमेक्स इन्क प्रालि र कुमारी बैंकबीच ग्राहकहरूलाई बीवाईडी खरिदका लागि कर्जा प्रदान गर्नेसम्बन्धी सम्झौता भएको हो ।

विद्युतीय सवारीसाधनको लोकप्रियता नेपालमा बढिरहेको र सोहीअनुरूप आफ्ना ग्राहकहरुको माग पूरा गर्न कुमारी बैंकले आफ्ना देशव्यापी शाखाहरुबाट सहज रुपमा बीवाईडी ब्रान्डका सवारीसाधन खरिदका लागि सवारीसाधन कर्जा उपलब्ध गराउने भएको छ । यस सहकार्यपश्चात् कुमारी बैंकका ग्राहकहरूले अब नेपालका कुनै पनि बीवाईडी डिलरबाट सवारीसाधन खरिद गर्दा कुमारी बैंकबाट सजिलै ८० प्रतिशतसम्म कर्जा प्राप्त गर्न सक्नेछन् । साथै सो कर्जा आठ वर्ष अवधिसम्म लिन मिल्ने प्रावधान गरिएको छ ।