१६औँ एसियन क्रस कन्ट्री च्याम्पियनसिपको सम्पूर्ण तयारी पूरा
काठमाडौं । नेपाल एथलेटिक्स संघको आयोजनामा हुन लागेको १६औँ एसियन क्रस कन्ट्री च्याम्पियनसिपको सम्पूर्ण तयारी पूरा भएको छ । संघले सोमबार पत्रकार सम्मेलनको आयोजना गरी च्याम्पियनसिपको सम्पूर्ण तयारी पूरा भएको जनाएको हो ।
एसियन एथलेटिक्स एसोसिएसनको कार्यक्रमअनुसार संघको आयोजनामा मंगलबारदेखि गोकर्ण गल्फ रिसोर्टमा च्याम्पियनसिप हुन लागेको छ । च्याम्पियनसिपमा नेपालसहित बंगलादेश, चाइनिज ताइपे, हङकङ, भारत, इरान, जापान, काजकास्तान, माल्दिभ्स, पाकिस्तान र थाइल्यान्ड गरि ११ राष्ट्रका ६५ खेलाडीले प्रतिस्पर्धा गर्नेछन् । त्यसमा नेपालका सबैभन्दा बढी १९ खेलाडीको सहभागिता रहने संघका अध्यक्ष राजिवक्रिम शाहले जानकारी दिए ।
उनका अनुसार छनोट प्रतियोगिताबाट छानिएका १९ खेलाडीलाई संघले बन्द प्रशिक्षणमा राखेको छ । च्याम्पियनसिपमा सिनियर महिला र पुरुषतर्फ १० किलोमिटर, २० वर्षमुनिका जुनियर महिलाातर्फ छ किलोमिटर र २० वर्षमुनिका जुनियर पुरुषतर्फ आठ किलोमिटर गरी चार विधामा व्यक्तिगत र टिम इभेन्ट्सहरुमा प्रतिस्पर्धा हुनेछ । नेपालबाट सिनियर महिलामा चार र बाँकी सबै इभेन्ट्समा समान पाँच खेलाडीले च्याम्पियनसिपमा भाग लिनेछन् ।
च्याम्पियनसिपमा राष्ट्रिय खेलकुद परिषद्, बागमती प्रदेश खेलकुद विकास परिषद्, सुदूरपश्चिम खेलकुद विकास परिषद्, काठमाडौं महानगरपालिका, ललितपुर महानगरपालिका, कागेश्वरी मनहरा नगरपालिका, गोकर्णेश्वर नगरपालिका, एनटीभी प्लसको सहयोग रहेको छ । त्यस्तै अन्य सहयोगीमा ग्रान्डी इन्टरनेसनल हस्पिटकल, नेसनल लाइफ इन्स्योरेन्स कम्पनी लिमिटेड, एनएलजी इन्स्योरेन्स, डाबर नेपाल, एमएडब्लू लाइफ जिप, नेपाल टेलिकम, केल्मी, हाम्रो खेलकुद, क्लासी प्रिन्टर, गोल्ड स्टार, जेट्स ट्राभल्स र गोकर्ण गल्फ रिसोर्ट रहेका छन् ।
२२ वर्षपछि संघलाई यो च्याम्पियनसिप आयोजना गर्ने मौका दिएकोमा संघले एसियन एथलेटिक्स एसोसिएसन र एसोसिएसनका अध्यक्ष जेनेरल दालान अ हमादलाई धन्यवाद समेत दिएको छ । च्याम्पियनसिप सञ्चालनका लागि एसोसियसनका अध्यक्ष अध्यक्ष दालानसहितअन्य प्राविधिकहरु नेपाल आइसकेको शाहले जानकारी दिए ।
क्याटेगोरी : खेलकुद
ट्याग : #Page 8
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया