स्वरोजगार लघुवित्तको नाफा पाँच करोड

काठमाडौं । स्वरोजगार लघुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा पाँच करोड चार लाख ९७ हजार पाँच सय ७१ रुपैयाँ खुद मुनाफा आर्जन गरेको छ । गत आवको सोही अवधिमा भने अवधिमा संस्थाको यस्तो नाफा नौ करोड एक लाख ७४ हजार चार सय २९ रुपैयाँ रहेको थियो ।

हाल चुक्ता पुँजी ५१ करोड ४० लाख ९९ हजार एक सय २१ रुपैयाँ रहेको संस्थाले चालू आवको दोस्रो त्रैमासमा तीन अर्ब ३० करोड ७७ लाख २४ हजार नौ सय ६५ रुपैयाँ निक्षेप संकलन गरी छ अर्ब ८८ करोड २५ लाख ८७ हजार पाँच सय छ रुपैयाँ कर्जा प्रवाह गरेको छ । सो अवधिमा १९ करोड दुई लाख ७३ हजार दुई सय ९१ रुपैयाँ खुद ब्याज आम्दानी गरेको संस्थामा चार दशमलव ४४ प्रतिशत कर्जा निष्क्रिय रहेको छ । वितरणयोग्य नाफा तीन करोड ९३ लाख ८८ हजार एक सय पाँच रुपैयाँ रहेको संस्थाको स्प्रेड दर भने चार दशमलव ५४ प्रतिशत रहेको छ ।

गत आवको सोही अवधिमा भने संस्थाले तीन अर्ब १५ करोड ४८ लाख ४४ हजार एक सय ४५ रुपैयाँ निक्षेप संकलन गरी सात अर्ब २३ करोड ८४ लाख ७७ हजार आठ सय ६८ रुपैयाँ कर्जा प्रवाह गरेको थियो । उक्त अवधिमा २१ करोड ३० लाख पाँच हजार सात सय दुई रुपैयाँ खुद ब्याज आम्दानी गरेको संस्थामा दुई दशमलव ९२ प्रतिशत कर्जा निष्क्रिय रहेको थियो भने स्प्रेड दर पाँच दशमलव ८२ प्रतिशत रहेको थियो ।