कोरोना महामारी : अमेरिकी नागरिकलाई प्रतिव्यक्ति १ हजार डलर हातैमा दिने प्रस्ताव
वासिङ्टन, चैत ७
चीनबाट फैलिएको कोरोना भाइरस (कोभिड १९)ले विश्व महामारीको रुप लिएपछि विभिन्न देशका सरकारहरु अर्थतन्त्र संकटमा गुज्रिने भन्दै उपायको खोजीमा लागेका छन् । अमेरिकाले भने अर्थतन्त्रको सन्तुलन बिग्रिन नदिन अनौठो प्रस्ताव ल्याएको छ – हरेक नागरिकलाई हातैमा १ हजार डलर दिने ।
तीन दिनअघि मात्रै यो प्रस्ताव आएको हो । रिपब्लिकन सिनेटर (माथिल्लो सदनका सदस्य) मिट रोम्नीले यस्तो प्रस्ताव संसदमा दर्ता गराएपछि राष्ट्रपतिको कार्यालय ह्वाइटहाउसले पनि समर्थन गरेको थियो । सोसँगै आगामी केही हप्तामा अमेरिकी नागरिकले प्रतिव्यक्ति १ हजार डलर पाउन सक्ने देखिएको चर्चित पत्रिका द वासिङटन पोष्टले जनाएको छ ।
कोरोनाले घरभित्रै थुनिएका अमेरिकी नागरिकलाई यसले राहत दिने अपेक्षा गरिएसँगै सत्तापक्ष र विपक्षका सांसदहरुले समेत यसको समर्थन गरेका छन् । यसलाई अनपेक्षित कदमका रुपमा लिइएको छ । ह्वाइटहाउसले त नागरिकलाई दिइने रकम अझै बढी हुनसक्ने संकेत गरेको छ ।
ट्रम्प प्रशासनले यसलाई सकारात्मक रुपमा लिएको अमेरिकी वाणिज्य सचिव स्टिभन म्नुचिनले पनि पत्रकार सम्मेलनमा सार्वजनिक गरिसकेका छन् । ह्वाइटहाउसले भने ८ सय ५० अर्ब डलरको राहत प्याकेज ल्याउने तयारी गरेको छ । तर यो प्रस्ताव अमेरिकी सदनले पारित गर्नुपर्नेछ ।
क्याटेगोरी : विश्व बजार
ताजा अपडेट
- समसामयिक राजनीतिक व्यङ्ग्य
- श्रीअजन्ता इलेक्ट्रिकमाथि राजस्वको अनुसन्धान सुरु
- सरकारले लियो दुई महिनामा एक खर्ब ऋण, ३९ अर्ब भुक्तानी
- एक वर्षमा ११ अर्ब रुपैयाँ बढ्यो बैंकहरूको चुक्ता पुँजी
- संसदीय सुनुवाइ समितिबाट १६ देशका लागि प्रस्तावित राजदूतको नाम अनुमोदन
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया