बैंकिङ कसुरका विनोद लामा पक्राउ

काठमाडौं । केन्द्रीय अनुसन्धान ब्युरो (सीआईबी) ले बैंकिङ कसुर मुद्दाका फरार प्रतिवादी विनोद लामालाई पक्राउ गरेको छ । सीआईबीका अनुसार सिन्धुपाल्चोक लिसंखु गाउँपालिका–४ मिजारटोल घर भई भक्तपुर सूर्यविनायक नगरपालिका–६ बस्ने ३२ वर्षीय लामालाई सोमबार पक्राउ गरिएको हो ।

उच्च अदालत पाटनको २०७८ पुस २२ गतेको फैसलाले बैंकिङ कसुर मुद्दामा सात दिन कैद र २१ लाख रुपैयाँ जरिवाना ठहर भई फरार रहेका लामालाई भक्तपुर सूर्यविनायकबाट पक्राउ गरिएको हो । उनलाई फैसला कार्यान्वयनका लागि जिल्ला अदालत ललितपुर पेश गरिएको सीआईबीले जानकारी दिएको छ ।