विराटनगर चैत १०
अहिले विश्वसहित सिंगो देश नै कोरोना भाइरस (कोभिड—१९) को संक्रमणबाट लडिरहेको मौका छोप्दै कालोबजारी गर्ने विराटनगरका एक व्यवसायी सरकारको फन्दामा परेका छन् । विश्व स्वास्थ्य संगठनले स्वास्थ्य संकटकाल घोषणा गरिसकेको छ । चीनबाट सुरु भएको कोरोना भाइरस हालसम्म विश्वका १ सय ७९ देशमा फैलिसकेको छ । यसले नेपालमा समेत प्रभाव पार्न सक्ने खतरालाई मध्यनजर गर्दै सरकारले अत्यवश्यक वस्तु कालोबजारी गर्नेलाई विराटनगरबाट धमाधम पक्राउ समेत गर्न थालेको छ । हिजो आइतबार विराटनगर महानगरपालिका वडा नं. ९ मा सञ्चालित रहेको राजेश अग्रवालको श्रीसर्जिकल इम्पेक्सले मास्क र सेनेटाइजर कालोबजारी गरेको अवस्थामा अनुगमन गरी कारबाही प्रक्रिया अगाडि बढाएको हो ।
विराटनगर महानगरपालिका, जिल्ला प्रशासन कार्यालय मोरङसहितको टोलीले अनुगमन गर्दा श्रीसर्जिकल इम्पेक्सका राजेश अग्रवालले ११ हजार ३ सय ५० थान मास्क र २ सय पिस सेनेटाइजर लुकाइराखेको अवस्थामा फेला पारेपछि आवश्यक कारबाही प्रक्रियाअगाडि बढाएको महानगरका मेयर भीम पराजुलीले जानकारी दिए । व्यवसायी अग्रवालले लुकाइराखेको उक्त सामान समेत अनुगमन टोलीले जफत गरेको छ । उनले कालाबजारीलाई यो संकटका बेला सहयोग गर्नुपर्ने ठाउँमा कमाउने प्रयास गरेका कारण हदैसम्मको कारबाही प्रक्रिया अगाडि बढाउने जानकारी समेत दिए ।
कोभिड १९ को भाइरसका कारण करिब १० हजार जनाले अकालमा ज्यान गुमाइसकेका छन् । विश्वव्यापी रुपमा यो फैलिने क्रम बढ्दो छ । विकसित राष्ट्रले समेत नियन्त्रण गर्न नसकेको यो भाइरस अल्पविकसित तथा विकासशील राष्ट्रहरुमा महामारीको रुपमा फैलियो भने कसरी नियन्त्रण गर्ने यो निकै ठूलो चुनौतीको विषय बन्न पुगेको छ । नेपाल सरकारले चैत ५ गते कोरोना संक्रमण, रोकथाम तथा नियन्त्रण गर्नका लागि १८ बुँदे घोषणापत्र जारी गरेको छ ।
क्याटेगोरी : समाचार
ताजा अपडेट
- उपचार खर्च बेहोर्न नसक्ने जलनपीडितको निःशुल्क उपचार गर्ने निर्णय
- रास्वपा सभापति लामिछानेलाई ६ दिनको म्याद थप
- सङ्क्रमणकालीन न्यायनिरुपणका लागि समिति पुनर्गठन गर्ने सरकारको निर्णय
- बागमती प्रदेशको अध्यक्षमा महेश्वर श्रेष्ठ नियुक्त
- जलवायु परिवर्तनको असर विकराल बन्दै गएको छ: उपप्रधानमन्त्री सिंह
- इजरायली प्रधानमन्त्रीको निवासमा ड्रोन हमला
- जी–७ को रक्षा शिखर सम्मेलन इटालीमा सुरु
- अमेरिकी बजेट घाटा करिब दुई ट्रिलियन बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया