ग्यापुभर्सरीको अवसरमा ग्यापुमा ८० प्रतिशतसम्म छुट

काठमाडौं । नेपाली ईकमर्स ग्यापु मार्केटप्लेसले आफ्नो स्थापनाको चौथो वार्षिकोत्सव (ग्यापुभर्सरी)को अवसरमा ८० प्रतिशतसम्मको छुट अफर ल्याएको छ ।

कम्पनीले तेस्रो वर्ष पूरा गरी चौथो वर्षमा प्रवेश गरेको अवसरमा ग्राहकहरूका लागि नयाँ अफर ल्याएको हो । कम्पनीमार्फत सामान खरिद गरी माछापुच्छ्रे बैंकबाट डिजिटल भुक्तानी गर्दा १५ प्रतिशतसम्म तथा एक हजार ८० रुपैयाँसम्म क्यास ब्याक पाउन सकिने कम्पनीले जनाएको छ । इलेक्ट्रोनिक्स, होम अप्लायन्स, ब्युटी एण्ड हेल्थ, फेसन, मेड इन नेपाललगायतका सामग्रीहरूको खरिदमा छुट तथा क्यासब्याक योजना ल्याइएको कम्पनीका अपरेसन म्यानेजर अशोक कार्कीले जानकारी दिए । नगद छुट तथा फिर्ताका साथै कम्पनीले ग्राहकहरूलाई विभिन्न गिफ्ट ह्याम्पर्स दैनिक रूपमा जित्ने अफर सार्वजनिक गरेको छ ।

कम्पनीका अनुसार, नेपालमा सञ्चालित मुख्य–मुख्य वालेटहरूमार्फत कारोबार गर्दा वा बिल तिर्दा हरेक दिन सय प्रतिशतसम्मको क्यासब्याक समेत पाउन सकिनेछ । यो अफर चैत २८ देखि वैशाख २ गतेसम्म सञ्चालन हुनेछ । यस अवधिमा ग्राहकले पाँच हजारभन्दा बढी सामानमा छुट पाउने कम्पनीको भनाइ छ । ग्यापुमा दुई लाख १५ हजारभन्दा बढी ग्राहक दर्ता भई सेवा लिइरहेका छन् ।