चांगन अटोको ‘नयाँ साल, साह्रै बब्बाल अफर’ सार्वजनिक

काठमाडौं । चांगन अटो नेपालले नयाँ वर्ष २०८० लाई लक्षित गरी ‘नयाँ साल, साह्रै बब्बाल अफर’ सार्वजनिक गरेको छ । चांगन अटो नेपालले प्रिमियम सेडान ‘एल्सभिन’ र प्रिमियम पिक–अप ‘हन्टर’ लिन इच्छुक ग्राहकहरुका लागि आकर्षक अफरहरु सार्वजनिक गरेको हो ।

कम्पनीका अनुसार यो अफर वैशाख १ देखि ३१ गतेसम्मको लागि लागू हुनेछ । यस अफरअन्तर्गत, ग्राहकहरुले चांगनको कुनै पनि सवारीसाधनको खरिदमा सिंगापुर र मलेसियाको ५ रात/६ दिनको लागि वैदेशिक भ्रमण वा एप्पलको उत्पादन (आईफोन १४, आईवाच र एयरवर्डस्) जित्न सक्नेछन् । यसका साथै चांगनको कुनै पनि सवारीसाधनको खरिदमा ५० हजार रुपैयाँसम्मको फेस्टिव बोनस तथा स्क्राच कार्डमार्फत ५० हजार रुपैयाँसम्मको अधिक छुट पाउन सक्नेछन् ।

यसैगरी ग्राहकले आफ्नो कुनै पनि ब्राण्डको साधन साट्न इच्छुक ग्राहकवर्गहरुले भने थप दुई लाख रुपैयाँसम्मको एक्सचेन्ज बोनस पाउनेछन् । चांगन अटो नेपालले टेस्ट राइड गर्ने ग्राहकवर्गहरुलाई आकर्षक उपहार तथा हरेक हप्ता एक भाग्यमानी विजेतालाई एक रात÷दुई दिनको लागि नगरकोटमा होलिडे प्याकेजको व्यवस्था पनि मिलाएको छ ।

चांगन अटो, नेपाली बजारमा प्रवेश गरेको एक वर्ष भएसँगै विभिन्न उत्कृष्ट अफरहरु उपलब्ध गराउँदै आइरहेको छ । कम्पनीले चांगन गाडीको ग्राहकहरूलाई उत्कृष्ट सेवा र सुविधा प्रदान गर्ने प्रतिबद्धता समेत जनाएको छ । ग्राहकहरुले चांगनको नक्साल, काठमाडौंमा अवस्थित शोरुममा गई गाडीको अवलोकन गरी टेस्ट राइड पनि गर्न सक्नेछन् । चांगननेपाल डटकममार्फत टेस्ट राइडको लागि बुकिङ गर्न सकिने कम्पनीले जनाएको छ । चांगन अटोसम्बन्धी सम्पूर्ण जानकारी चाङ्गनको वेबसाइट, फेसबुक र इन्स्टाग्राममार्फत लगइन गरी प्राप्त गर्न सकिनेछ ।