‘काठमाडौं ह्यान्डिक्राफ्ट’को हरेक सामानमा २० प्रतिशत छुट

काठमाडौं । भक्तपुरको लोकन्थलीमा रहेको ‘काठमाडौं अनलाइन ह्यान्डिक्राफ्ट सप प्रा.लिद्वारा सञ्चालित फ्यान्सी एण्ड कल्चरल सुपरमार्केटले नयाँ वर्षको अवसरमा ग्राहकहरुका लागि विशेष छुट अफर ल्याएको छ । सुपरमार्केटले हरेक सामानमा २० प्रतिशत छुटको योजना सार्वजनिक गरेको हो ।

यस योजना वैशाख १५ गतेसम्मका लागि सार्वजनिक गरिएको सुपरमार्केटका सञ्चालक कुमार उप्रेतीले बताए । हालसालै सञ्चालनमा आएको सो सुपरमार्केटमा एउटा मान्छेलाई जन्मेदेखि मृत्युपर्यन्त आवश्यक पर्ने सबै सामानहरु उपलब्ध रहेको सञ्चालक उप्रेतीले बताए । नेपालमा तमाम चिजहरु एकै ठाउँमा पाइने सुविधा भएको सुपरमार्केट यो नै पहिलो भएको उनको दाबी छ । खासगरी विवाह, व्रतबन्ध, पूजाआज, विभिन्न इभेन्टहरुमा चाहिने सामानदेखि ए टु जेट सामानहरु, रेडिमेट फेन्सी सामान, सांस्कृतिक झल्काउने सामानहरु, हेन्डीक्राफ्ट सामानहरु, बुटिक सामानहरु, ग्यारेन्टेड गरगहना, नेपाली मौलिक उत्पादनहरु अझै बढी प्राथमिकता दिएर राखिएको उनले बताए । करिब पाँच करोडको लगानीमा सो सुपरमार्केट सञ्चालनमा ल्याइएको उनले बताए ।

विगत डेढ दशकदेखि अमेरिका, अष्ट्रेलिया, क्यानडा लगायतका देशहरुमा कल्चरल तयारी सामग्रीहरु निर्यात गर्दै आएका सञ्चालक उप्रेतीले आफ्नै देशमा यस्ता वस्तुहरुको आवश्यकता बढेकोले सो व्यवसाय सञ्चालन गर्नुपरेको बताए ।