गैरआवासीय नेपाली संघ जापानको आयोजनामा रक्तदान

काठमाडौं । गैरआवासीय नेपाली संघ जापानको आयोजनामा खुला रक्तदान कार्यक्रम सम्पन्न भएको छ । नेपाली नयाँ वर्षको २०८० सालको अवसरमा गैरआवसीय नेपाली संघ जापान तथा क्षेत्रीय कार्यसमितिहरू र अन्य संघसंथाहरूको संयुक्तरूपमा जापानवासी नेपालीहरूलाई लक्षित गरी बृहत् रक्तदान कार्यक्रमको आयोजना गरेको हो ।

कान्साई क्षेत्रको ओसाकामा भएको कार्यक्रममा करिब २० जनाले रक्तदान गरेको एनआरएनए कान्साई क्षेत्रका सचिव तथा कार्यक्रम सयोजक विकास अधिकारीले जानकारी दिए । कार्यक्रममा कान्साई क्षेत्रका सयोजक नर बहदुर थापाले आगामी दिनमा पनि रक्तदानलगायतका सामाजिक कार्य आयोजना गर्ने बताए । विदेशमा रहेर पनि सामाजिक र नेपालीहरूलाई समस्या पर्दा सहयोग गर्ने एनआरएनए जापानका उपाध्यक्ष महेश कुमार कटुवालले बताए ।