नेपालले दक्षिण एसियामा प्रभावकारी खाद्य प्रणालीसम्बन्धी सम्मेलन गर्ने

काठमाडौं । नेपालले दक्षिण एसियामा प्रभावकारी खाद्य प्रणाली विषयक क्षेत्रीय सम्मेलनको आयोजना गर्ने भएको छ । सुधारिएको पोषण तथा वृद्धिको लागि दक्षिण एसियाली नीतिनिर्माताहरुको संगठन सापलिङले ढाका छलफलपछि अप्रिल २४ र २५ मा खाद्य प्रणालीहरुका सम्बन्धमा काठमाडौं छलफलको आयोजना गर्ने भएको हो ।

कार्यक्रमलाई राष्ट्रिय योजना आयोग, नेपालले हाल सापलिङको अध्यक्षता गरिरहेको बीआरएसी, बंगलादेश र विश्वकै सबैभन्दा ठूलो गैरसरकारी विकास संस्था, भारतीय विकास क्षेत्रको थिङ्क एण्ड डु–ट्यांक, आईपीई ग्लोबल लिमिटेड र काठमाडौंमा प्रधान कार्यालय रहेको मुनाफारहित थिङ्क ट्यांक एकीकृत विकास अध्ययन संस्थान (आईआईडीएस), नेपालसँगको सहकार्यमा आयोजना गर्नलागेको हो ।

सन् २०२२ को डिसेम्बरमा सम्पन्न भएको ढाका खाद्य प्रणाली छलफल क्षेत्रीय सहयोगका लागि सम्भावित अस्त्रहरुका रुपमा तीनवटा विषयगत क्षेत्रहरु, जलवायुअनुकूल खाद्य प्रणालीहरु, उत्पादनपश्चात् हुने नोक्सानीहरु घटाउने र खाद्य सुरक्षा मापदण्डहरुमा केन्द्रित रहेको थियो । छलफलले क्षेत्रीय सहयोगको अस्त्रहरुको रुपमा प्राविधिक सहकार्य र स्थानान्तरण, बौद्धिक प्रणालीको सशक्तीकरण र सीमापार निजी क्षेत्रको लगानीमा जोड दिनुपर्ने आवश्यकतालाई औँल्याएको थियो ।