डीजी पे र बिनव क्रिएसनबीच विशेष सम्झौता

काठमाडौं । मोबाइल वालेट कम्पनी डीजी पे प्रा.लि. र बिनव क्रिएसनबीच सहकार्यको लागि नयाँ सम्झौता भएको छ । सम्झौताअनुसार डीजी पेको व्यावसायिक आबद्ध योजनाअनुरुप डीजी पेसँग आबद्ध हुने व्यवसायीले टिकटक, फेसबुक, इन्स्टाग्राम, युट्युबजस्ता सामाजिक सञ्जालका लागि सुपथ मूल्यमा भिडिओ बनाउन पाउने भएका छन् ।

साथै अन्य व्यापारिक विज्ञापन बनाउँदा पनि विशेष छुटको व्यवस्था गरिएको छ । सम्झौतापत्रमा बिनव क्रिएसनका महाप्रबन्धक समीर जोशी र डिजी पेका अध्यक्ष दिवाकरबहादुर पाण्डेले हस्ताक्षर गरेका छन् । नेपालको एक राम्रो अडिओ भिडिओ प्रोडक्सन कम्पनीसँग सहकार्य गरी फरकखालको सम्झौता गर्न पाउँदा निकै खुसी लागेको डिजी पेका पाण्डेले बताए । ‘आजभोलि व्यवसायीहरुले आफ्नो सेवा तथा समानहरुको भिडिओ बनाएर सामाजिक सञ्जालमा पोस्ट गरी जानकारी दिने र मुनाफा गर्ने चलन बढेको छ । यस्तो स्थितिमा बिनव क्रिएसनजस्तो कम्पनीसँग मिलेर डीजी पेसँग आबद्ध व्यवसायीहरुको लागि उत्कृष्ट भिडिओ सस्तो र सुलभ पैसामा, निकै कम खर्चमा गर्नसक्ने अवस्था सिर्जना गरेका छौँ ।