सेयर बजार राताम्मै

काठमाडौं । सेयर बजार राताम्मै देखिएको छ । साताको पहिलो दिन आज आईतबार बजार परिसुचक नेप्से १९ दशमलव १२ अंंकले ओरालो लागेर १८ सय ५० दशमलव ६१ बिन्दुमा खुम्चिएको छ । क बर्गका कम्पनीहरुको कारोबार मापन गर्नैे सेन्सिटिभ इन्डेक्स पनि तीन दशमलव १४ अंकले ओरालो लागेर तीन सय ५४ दशमलव ७८ बिन्दुमा खुम्चिएको छ ।

नेप्सेमा आज दुई सय ६३ वटा कम्पनीहरुको २३ हजार ५१ पटकको कारोबारमा २० लाख १५ हजार नौं सय ५९ कित्ता सेयर किनबेच भएको छ । जसबाट आज कुल कारोबार रकम ६० करोड ८१ लाख ३५ हजार ९४ रुपैंयाँ कायम भएको छ ।

नेपाल स्टक एक्सचेन्ज लिमिटेड (नेप्से) मा आज १३ वटा समुहहरुको कारोबार भएका छन् । जसमध्ये सबै समुहहरुको सुचक ओरालो लागेर सेयर बजार पुरै रातो देखिएको छ ।