युनिक नेपाल लघुवित्तको नाफा ऋणात्मक

काठमाडौं । युनिक नेपाल लघुवित्त वित्तीय संस्थाको तेस्रो त्रैमासिक नाफा ऋणात्मक देखिएको छ । संस्थाले चालू आर्थिक वर्षको तेस्रो त्रैमासमा पाँच करोड ९८ लाख ३० हजार रुपैयाँ खुद नोक्सानी व्यहोरेको छ । गत आर्थिक वर्षको सोही अवधिमा लघुवित्तको नाफा सात करोड २७ लाख १४ हजार रुपैयाँ थियो ।

११ करोड छ लाख ३२ हजार रुपैयाँ चुक्ता पुँजजी रहेको लघुवित्तले चालू आर्थिक वर्षको तेस्रो त्रैमासमा दुई अर्ब ४७ करोड ३१ लाख ७० हजार रुपैयाँ निक्षेप संकलन गरी तीन अर्ब ८७ करोड ७० लाख चार हजार रुपैयाँ कर्जा प्रवाह गरेको छ । सो अवधिमा १६ करोड ६४ लाख ११ हजार रुपैयाँ खुद ब्याज आम्दानी गरेको लघुवित्तको प्रोभिजन रकम १८ करोड ६० लाख ३६ हजार रुपैयाँ छ । लघुवित्तको निष्क्रिय कर्जा १० दशमलव २९ प्रतिशत छ ।

गत आर्थिक वर्षको सोही अवधिमा लघुवित्तले दुई अर्ब ३४ करोड ४८ लाख १० हजार रुपैयाँ निक्षेप संकलन गरी तीन अर्ब ९५ करोड १५ लाख १८ हजार रुपैयाँ कर्जा प्रवाह गरेको थियो । उक्त अवधिमा २० करोड ६२ लाख ३९ हजार रुपैयाँ खुद ब्याज आम्दानी गरेको लघुवित्तको प्रोभिजन रकम सात करोड २७ लाख १४ हजार रुपैयाँ रहेको थियो ।