सोलुखुम्बु,चैत २६
सोलुखुम्बुको पिके क्षेत्र भ्रमणमा गएका खुम्बुपासाङ ल्हामु गाउँपालिकामा कार्यरत सव–इन्जिनियर मृत अवस्थामा भेटिएका छन् । सोलुदुधकुण्ड नगरपालिका वडा नम्बर ५ रोसी स्थायी घर भएका करिब २७ वर्षका पूर्णबहादुर खड्का दुई दिनदेखि बेपत्ता थिए । दुई दिनदेखि बेपत्ता खड्का सोमबार विहान मृत भेटिएका हुन् ।
आइतबार बिहानदेखि खोजतलासमा लागेका आफन्तहरूले उनलाई सोमबार सोलुदुधकुण्ड नगरपालिका ३ को पिके खोपमा मृत अवस्थामा भेटाएको उनका दाइ छत्र खड्काले जानकारी दिए । खड्काका अनुसार सल्लेरीबाट पिके डाँडातिर जाने मूल बाटोदेखि करिब तीन सय मिटर तल उनी मृत अवस्थामा भेटिएका हुन् ।
घटनाको प्रकृति हेर्दा शंकास्पद रहेको प्रत्यक्षदर्शीसमेत रहेका मृतकका दाई छत्र खड्काको भनाइ छ । घरबिदामा आएका ती कर्मचारी शनिबार दिउँसो १०–११ जना साथीसँगै सोलुदुधकुण्ड नगरपालिकाको वडा नम्बर ३ मा पर्ने पर्यटकीय क्षेत्र पिके घुम्न गएको बताइएको छ । खड्काको लड्रै मृत्यु भएको प्रहरीले जनाएको छ ।शंका गरिएजस्तो कुनै अवस्था नभेटिएको जिल्ला प्रहरी कार्यालय सोलुखुम्बुमा प्रहरी नायब परीक्षक टेकु नन्द इवा लिम्बुले जानकारी दिए ।
प्रसुति व्यथा लागेकी महिलाको उद्धार
सोलुखुम्बुको सोताङ गाउँपालिकाबाट प्रसुति व्यथाले छटपटाएकी महिलाको उद्धार गरिएको छ । गाउँपालिकाको वडा नम्बर ४ की ३० वर्षीया पुष्पकला राईलाई नेपाली सेनाको हेलिकप्टरमार्फत उद्धार गरिएको हो ।
लकडाउनका समयमा मुलुक ठप्प रहेको समयमा सोताङ गाउँपालिका र जिल्ला प्रशासन कार्यलयको पहलमा उनलाई उद्धार गरिएको हो । महिला, बालबालिका तथा ज्येष्ठ नागरिकमन्त्री पार्वत गुरुङको निर्देशनमा काठमाडौँ पु¥याए लगतै थापाथलीस्थित परोपकार प्रसुति तथा स्त्रीरोग अस्पतालमा राईको उपचार भइरहेको सोताङ गाउँपालिका अध्यक्ष बिरबहादुर राईले जानकारी दिए । सुत्केरी व्यथा लागेपछि स्थानीय प्राथमिक स्वास्थ्य केन्द्रमा पु¥याइएको थियो ।
तर त्यहाँ प्रसुति हुन सम्भव नभएपछि उनलाई काठमाडाँै पठाउने व्यवस्था गरिएको हो । पेटमा रहेको शिशुको स्वास्थ्य अवस्था जटिल भएपछि आमा र बच्चा दुवैको जीवनरक्षाका लागि काठमाडौँ पठाइएको सोताङ प्राथमिक स्वास्थ्य केन्द्रका डाक्टर आशिष आलोकले बताए । गाउँघरमा नै उपचार सम्भवन नहुँदा स्थानीय महिलालाई काठमाडाँै पठाउनु पर्ने बाध्यता रहेको छ ।
‘राष्ट्रपति महिला उत्थान कार्यक्रम’अन्तर्गत मन्त्रालयले जटिल स्वास्थ्य अवस्था भएका गर्भवती तथा सुत्केरीको हवाइ उद्धार गरी उपचारको व्यवस्था गर्दै आएको छ । यसैबीच मन्त्री गुरुङले उपचाररत महिलाको उपचारमा कुनै कमी हुन नदिन अस्पतालका चिकित्सकलाई निर्देशन दिएका छन् ।
लकडाउनको समयमा मात्रभन्दा पनि अरु समयमा पनि सोलुखुम्बुका दुर्गम बस्तीका महिलालाई हेलिकप्टरबाटै उद्धार गर्नुपर्ने बाध्यता रहेको छ । जिल्ला अस्पतालमा समेत जटिल किसिमको उपचार नहुने भएकाले यस्तो समस्या आइरहन्छ ।
क्याटेगोरी : समाचार
ताजा अपडेट
- उपचार खर्च बेहोर्न नसक्ने जलनपीडितको निःशुल्क उपचार गर्ने निर्णय
- रास्वपा सभापति लामिछानेलाई ६ दिनको म्याद थप
- सङ्क्रमणकालीन न्यायनिरुपणका लागि समिति पुनर्गठन गर्ने सरकारको निर्णय
- बागमती प्रदेशको अध्यक्षमा महेश्वर श्रेष्ठ नियुक्त
- जलवायु परिवर्तनको असर विकराल बन्दै गएको छ: उपप्रधानमन्त्री सिंह
- इजरायली प्रधानमन्त्रीको निवासमा ड्रोन हमला
- जी–७ को रक्षा शिखर सम्मेलन इटालीमा सुरु
- अमेरिकी बजेट घाटा करिब दुई ट्रिलियन बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया