सेयर बजारमा देखियो उछाल

काठमाडौं,सेयर बजारमा उछाल देखिएको छ । साताको सुरुवाती कारोबार दिन देखि नैं उकालो लागेको बजार परिसुचक साताको तेस्रो कारोबार दिन आज मंगलबार पुन ५१ दशमलव ३१ अंकले उकालो लागेर १९ सय ४२ दशमलव ६३ बिन्दुमा कायम रहन सफल भएको छ । यसैगरी क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि आठ दशमलव ८३ अंकले उकालो लागेर तीन सय ६७ दशमलव ७२ बिन्दुमा कायम रहन सफल भएको छ ।

नेपाल स्टक एक्सचेन्ज लिमिटेड (नेप्से) मा आज १३ वटा उपसमुमहरु अन्र्तगत दुई सय ७१ वटा कम्पनीहरुको सेयर खरिद बिक्री भएका छन् । जसबाट ३८ हजार सात सय ९६ पटकको कारोबारमा ६० लाख ६७ हजार चार सय ३२ कित्ता सेयर किनबेच भएका छन् । सोही किनबेचका आधारमा आज कारोबार रकम दुई अर्ब २० करोड २३ हजार नौं सय ४५ रुपैंयाँ पुगेको छ ।

धितोपत्र बजारमा आज १३ वटा उपसमुहहरुको कारोबार भएकोमा बाँणिज्य बैंक, बिकास बैक, जलबिद्युत, फाईनान्स, जीवन बीमा, निर्जिवन बीमा सहितका १३ वटै समुहहरुको सुचक उकालो लागेर सेयर बजार परिसुचक पुरै हरियो भएको छ ।