अमेरिकामा घरको मूल्य बढ्यो

वासिङटन डिसी । अमेरिकामा घरको मूल्य मार्च महिनाको तुलनामा अप्रिलमा बढेको छ । मंगलबार जारी गरिएका पछिल्लो घरजग्गासम्बन्धी सूचकअनुसार अमेरिकी घरजग्गाको मूल्य बढेको छ ।

अमेरिकामा गत फेब्रुअरीदेखि घरहरूको मूल्यमा वृद्धि भएको छ । त्यसअघिको सात महिना अमेरिकामा घरजग्गाको मूल्य घट्दो थियो । फेब्रुअरी यता घरहरूको मूल्य बढ्न थालेपछि कारोबारीहरूले राहत महसुस गरेका छन् ।

फेब्रअरीदेखि मार्चमा शून्य दशमलव सात प्रतिशतले मूल्य बढेको थियो । अप्रिलमा शून्य दशमलव छ प्रतिशतले बढेको छ । अप्रिलसम्म कुल एक दशमलव तीन प्रतिशत वृद्धि भएको छ ।

दुई महिनाको वृद्धिले पुरानो गिरावटको रिकभरी नहुने कारोबारहीहरूले बताएका छन् । मार्चको नतिजाले जून २०२२ मा सुरु भएको घरको मूल्यमा आएको गिरावटको अन्त्य हुनसक्ने संकेत गरेको एसएन्डपी डीजेआईका प्रबन्ध निर्देशक क्रेग जाजाराले बताएका छन् ।