कोरोना संक्रमित देशबाट आएका सबैको ¥यापिड टेष्ट हुने
दोलखा ,वैशाख २
कोरोना संक्रमित देशबाट जिल्ला भित्रिएका सबैको व्यक्तिहरूको ¥यापिड टेष्ट हुने भएको छ । दोलखामा कोरोना संक्रमित विभिन्न १४ वटा देशबाट तीन सयपचासको हाराहरीमा मानिसहरूभित्रिएका छन् । उनीहरू सबैमा कोरोना संक्रमण भए÷नभएको परीक्षण गरिनेस्वास्थ्य कार्यालय दोलखाले जनाएको छ।
दोलखामा विदेशबाट आएकामध्ये अधिकांश कोरोना संक्रमित मुलुकबाट फर्किएको पाइएकोले उनीहरूको चेकजाँच गर्न लागिएको स्वास्थ्य कार्यालय दोलखाका प्रमुख एवम् जिल्ला विपत् व्यवस्थापन समितिका सूचना अधिकारी विभुकुमार झाले जानकारी दिए । विदेशबाट फर्किएका कोही पनि स्थानीयतहले निर्माण गरेको क्वारेन्टाइनमा बसेका छैनन् ।
उनीहरू अहिले होम क्वारेन्टााइनमा बसिरहेको झाले जानकारी दिए । साथै उनीहरूकसैको पनि स्वास्थ्य अवस्था चेकजाँच गरिएको छैन । कोरोना परीक्षण गर्ने स्वास्थ्य सामग्री जिल्ला आइपुगेकोले अब सबैकोस्वास्थ्य परीक्षण गर्ने स्वास्थ्य प्रमुख झाले बताए । संघीय सरकारको स्वास्थ्य मन्त्रालयले पठाएको तीन सय थान ¥यापिड टेष्ट किट आइतबार जिल्ला आइपुगेको झाले जानकारी दिए । कोरोना संक्रमण हुन नदिन क्वारेन्टाइनमा राखिएका र विदेशबाट आएकाहरूको स्वास्थ्य जाँच गर्ने उनले बताए ।
दोलखाका नौ स्थानीयतहले विदेशबाट जिल्ला भित्रिएकाहरूको तथ्यांक संकलन गरिसकेका छन् ।स्थानीय तहले गरेको तथ्याङ्क संकलनअनुसार जिल्लाभर भारतलगायतका १४ मुलुकबाट तीन सय ४८ जना जिल्ला फर्केका छन् । सबै स्थानीय तहहरूलाई आवश्यकताअनुसार¥यापिड टेष्ट किट वितरण गरिने झाले जानकारी दिए।भारत लगायत तेस्रो मुलुकबाट जिल्ला भित्रिएकामध्ये १४ देखि २१ दिन पुगेकाको रगतको नमुना संकलन गरी संक्रमणको अवस्था जाँच गर्नको लागि ¥यापिड टेष्ट किट प्रयोग हुनेगरेको सूचना अधिकारी झाले जानकारी दिए । टेष्टको रिपोर्ट पोजेटिभ आयो भने उपचारको लागि सम्बन्धित अस्पतालनमा पठाइने उनको भनाइ छ ।
जिल्लामा साढे तीनसय मानिस बाहिरी देशबाट भित्रिएपनि ¥यापिड टेष्टको लागि तीन सय थान मात्र किट प्राप्त भएको छ । त्यसैगरी एक साताअघि कालिञ्चोक गाउँपालिकाको सिंगटी क्वारेन्टिनमा बसेका एक जनालाई कोरोनाको संक्रमणको आशकामा गरिएको स्वाब परीक्षण रिपोर्ट नेगेटिभ देखिएको छ । भारतबाट आई क्वारेन्टिनमा बसेका उनको स्वाब परीक्षणका लागि काठमाडौं स्थित टेकु अस्पताल पठाइएको थियो । आइतबार रिपोर्ट नेगेटिभ आएको जिल्ला स्वास्थ्य कार्यालय दोलखाले जनाएको छ।
क्याटेगोरी : समाचार
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया