तेस्रो मेयर कप फुटबल प्रतियोगितामा हेटौडा उपमहानगर वडा नं -११ बिजयी

बिगतका बर्षहरुमा झैँ यस बर्ष पनि जेष्ठ १५ गतेबाट सुरु भएको तेस्रो मेयर कप वडास्तरीय फुटबल प्रतियोगितामा हेटौडा उपमहानगरपालिका वार्ड नं ११ ले विजय भएको छ। शनिबार हेटौडा उपमहानगरपालिका -५ स्थित क्याम्पाडाडामा भएको फाइनल खेलमा हेटौडा ११ र १५ बीच फाइनल प्रतिस्पर्धा भएको थियो। तोकिएको ९० मिनटमा खेल बराबरी भएपछि ट्राइबेकारमा हेटौडा (११ ले १५ लाई ४-३ गोलले पराजित गरेको हो।

प्रथम हुने बिजयी टिमले २ लाख नगदका साथै शिल्ड र प्रमाणपत्र प्राप्त गरेका छन्। त्यस्तै,उपविजेता हेटौडा-१५ ले नगद १ लाख नगद र शिल्ड प्रमाणपत्र पाएको थियो । त्यस्तै,हेटौडा १३ र १४ वडाले सान्त्वनाका स्वरुप नगद ५० र५० हजार र शिल्ड प्रमाणपत्र प्राप्त गरेका थिए। हेटौडा उपमहानगरपालिका नगर खेलकुद विकास समितिकाका अध्यक्ष चन्द्र शाहीको अध्यक्षता र हेटौडा उपमहानगरपालिकाकी मेयर मिना कुमारी लामाको प्रमुख आतिथ्यतामा भएको खेलकुद कार्यक्रममा उपमेयर राजेश बानिया , हेटौडा उपमहानगरका निबर्तमान मेयर हरिबोल महत,बिभिन्न वडाध्यक्षहरु जुना दाहाल,सबिन न्यौपाने, सुनिल मोक्तान,सुकराम केसी ,बिष्णु दाहाल साथै अन्य जनप्रतिनिधिहरु र मकवानपुर जिल्ला खेलकुद बिकास समिति अध्यक्ष भेष खड्की लगायतको उपस्थिति रहेको थियो।