बीमा कम्पनीहरूले उठाए साढे ३२ अर्ब बीमाशुल्क
ललितपुर । निर्जीवन बीमा कम्पनीहरूले चालू आर्थिक वर्षको वैशाख मसान्तसम्ममा ३२ अर्ब ६८ करोड ९६ लाख ११ हजार रुपैयाँ बीमाशुल्क आर्जन गरेका छन् । नेपाल बीमा प्राधिकरणले सार्वजनिक गरेको पछिल्लो तथ्यांकअनुसार कम्पनीहरूले वैशाख मसान्तसम्म कुल २३ लाख ५० हजार छ सय ५२ वटा बीमालेख जारी गरी उक्त परिमाणमा बीमाशुल्क आर्जन गरेका हुन् ।
चालू आर्थिक वर्षको वैशाख महिनामा मात्रै १७ वटा निर्जीवन बीमा कम्पनीहरूले कुल एक लाख ८४ हजार तीन सय १४ बीमालेख जारी गरी दुई अर्ब ६७ करोड ४७ लाख ७० हजार रुपैयाँ बीमाशुल्क आर्जन गरेका छन् ।
प्राधिकरणका अनुसार निर्जीवन बीमा कम्पनीहरूमध्ये नेपाल इन्स्योरेन्स कम्पनीले चालू आर्थिक वर्षको वैशाख मसान्तसम्ममा कुल एक लाख ५१ हजार एक सय ३५ वटा बीमालेख जारी गरी एक अर्ब २७ करोड १७ लाख ९४ हजार रुपैयाँ कुल बीमाशुल्क आर्जन गरेको छ । चालू आर्थिक वर्षको वैशाख महिनामा मात्र भने उक्त कम्पनीले १२ हजार आठ सय वटा बीमालेख जारी गरी १२ करोड सात लाख ४७ हजार रुपैयाँ कुल बीमाशुल्क आर्जन गरेको छ । दि ओरियन्टल इन्स्योरेन्स कम्पनीले भने चालू आर्थिक वर्षको वैशाख मसान्तसम्ममा ३३ हाजार छ सय ४५ वटा बीमालेख जारी गरी एक अर्ब १६ करोड आठ लाख ३८ हजार रुपैयाँ कुल बीमाशुल्क आर्जन गरेको छ । वैशाख महिनामा मात्र उक्त कम्पनीले दुई हजार सात सय ८१ वटा बीमालेख जारी गरी आठ करोड ६९ लाख १६ हजार रुपैयाँ कुल बीमाशुल्क आर्जन गरेको छ । सरकारी स्वामित्वको राष्ट्रिय बीमा कम्पनीले पनि यही वैशाख मसान्तसम्ममा ४६ हजार नौ सय ९३ वटा बीमालेख जारी गरी दुई अर्ब दुई करोड ५१ लाख ५४ हजार रुपैयाँ कुल बीमाशुल्क आर्जन गरेको छ । वैशाख महिनामा भने यो कम्पनीले दुई हजार पाँच सय ७९ वटा बीमालेख जारी गरी दुई करोड ९९ लाख ५१ हजार रुपैयाँ कुल बीमाशुल्क आर्जन गरेको छ ।
प्राधिकरणका अनुसार नेसनल इन्स्योरेन्स कम्पनीले भने चालू आर्थिक वर्षको पछिल्लो अवधिसम्ममा २७ हजार पाँच सय ८९ वटा बीमालेख जारी गरी ८२ करोड ४२ लाख १७ हजार रुपैयाँ कुल बीमाशुल्क आर्जन गरेको छ । यही वैशाख महिनामा नेसनल इन्स्योरेन्सले ३६ सय ४० वटा बीमालेख जारी गरी छ करोड नौ लाख ४० हजार रुपैयाँ बीमाशुल्क आर्जन गरेको प्राधिकरणको भनाइ छ । युनाइटेड इन्स्योरेन्स कम्पनी (नेपाल) लिमिटेडले पनि ९५ हजार छ सय ३२ वटा बीमालेख जारी गरी एक अर्ब १५ करोड ५४ लाख ६२ हजार रुपैयाँ बीमाशुल्क आर्जन गरेको छ । वैशाख महिनामा सो कम्पनीले सात हजार सात सय १६ वटा बीमालेख जारी गरी २० करोड २२ लाख ४३ हजार रुपैयाँ बीमाशुल्क आर्जन गरेको छ । यसैगरी नेको इन्स्योरेन्स कम्पनीले पनि चालू आर्थिक वर्षको पछिल्लो अवधिसम्ममा दुई लाख ३२ हजार सात सय ९६ वटा बीमालेख जारी गरी दुई अर्ब ४५ करोड ९३ लाख ४८ हजार रुपैयाँ बीमाशुल्क आर्जन गरेको छ । चालू आर्थिक वर्षको वैशाख महिनामा नेकोले १८ हजार तीन सय ५७ वटा बीमालेख जारी गरी ११ करोड ६१ लाख ४५ हजार रुपैयाँ कुल बीमाशुल्क आर्जन गरेको छ ।
प्रभु इन्स्योरन्सले पनि चालू आर्थिक वर्षको वैशाख मसान्तसम्ममा एक लाख एक हजार आठ सय ५५ वटा बीमालेख जारी गरी एक अर्ब २७ करोड १० लाख ५८ हजार रुपैयाँ बीमाशुल्क आर्जन गरेको छ । वैशाख महिनामा भने उक्त कम्पनीले छ हजार आठ सय ४२ वटा बीमालेख जारी गरी ११ करोड ६१ लाख ४५ हजार रुपैयाँ बीमाशुल्क आर्जन गरेको छ । आईएमई जनरल इन्स्योरेन्सले ९६ हजार पाँच सय ३१ वटा बीमालेख जारी गरी एक अर्ब ५१ करोड ४६ लाख एक हजार रुपैयाँ बीमाशुल्क आर्जन गरेको छ । वैशाख महिनामा आईएमईले छ हजार तीन सय ३२ वटा बीमालेख जारी गरी नौ करोड २३ लाख ९३ हजार रुपैयाँ बीमाशुल्क आर्जन गरेको छ । प्रुडेन्सियल इन्स्योरेन्सले एक लाख १२ हजार तीन सय २७ वटा बीमालेख जारी गरी एक अर्ब १५ करोड ८९ लाख ६८ हजार रुपैयाँ कुल बीमाशुल्क आर्जन गरेको छ । वैशाख महिनामा कम्पनीले आठ हजार तीन सय ४९ वटा बीमालेख जारी गरी ११ करोड ३८ लाख ४२ हजार रुपैयाँ कुल बीमाशुल्क आर्जन गरेको छ ।
शिखर इन्स्योेरेन्सले पनि चालू आर्थिक वर्षको वैशाख मसान्तसम्ममा दुई लाख २४ हजार दुई सय ३८ वटा बीमालेख जारी गरी चार अर्ब ४२ करोड ६९ लाख ५३ हजार रुपैयाँ बीमाशुल्क आर्जन गरेको छ । एनएलजी, अजोड र हिमालयन एभरेष्ट इन्स्योरेन्स कम्पनीले वैशाख मसान्तसम्म क्रमशः एक अर्ब ९८ करोड ८० लाख ६६ हजार, एक अर्ब ७१ करोड २६ लाख ३९ हजार र दुई अर्ब ४९ करोड चार लाख ३६ हजार रुपैयाँ बीमाशुल्क आर्जन गरेका छन् । यस अवधिमा यी बीमा कम्पनीहरूले बिक्री गरेको कुल बीमालेखको संख्या भने क्रमशः एक लाख ६८ हजार सात सय सात, एक लाख १३ हजार छ सय ३४ र दुई लाख १९ हजार चार सय ८९ रुपैयाँ रहेको छ । सानिमा जीआईसी, सिद्धार्थ प्रिमियर, सगरमाथा लुम्बिनी र आईजीआई प्रुडेन्सियल इन्स्योरेन्सले भने क्रमशः एक अर्ब ८२ करोड पाँच लाख आठ हजार, तीन अर्ब ६४ करोड ९६ लाख सात जार, तीन अर्ब ७३ करोड सात लाख ७८ हजार र दुई करोड ९१ लाख ८२ हजार रुपैयाँ बीमाशुल्क आर्जन गरेका छन् । यस अवधिमा यी कम्पनीहरूले क्रमशः एक लाख ४८ हजार आठ सय ८१, दुई लाख ९० हजार पाँच सय ९०, दुई लाख ८४ हजार सात सय ३० र एक हजार आठ सय ५० वटा बीमालेख जारी गरेको प्राधिकरणले जनाएको छ ।
क्याटेगोरी : बीमा बजार
ट्याग : #Page 1
ताजा अपडेट
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
- बंगलादेशकी पूर्वप्रधानमन्त्री हसिनाविरुद्ध पक्राउ पुर्जी जारी
- भारतमा बिक्री घटेसँगै नोकियाको समग्र कारोबारमा गिरावट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया