चीनको ड्र्यागन बोट फेस्टिभलमा साढे १० करोड पर्यटक

चीन । तीनदिने ड्र्यागन बोट फेस्टिभल बिदामा चीनमा १० करोड ६० लाख बढी आन्तरिक पर्यटकले भ्रमण गरेका छन् । यो संख्या गएको वर्षको तुलनामा ३२ दशमलव तीन प्रतिशतले बढी हो । चीनको संस्कृति तथा पर्यटन मन्त्रालयले बिहीबार देखि शनिबारसम्म चलेको बिदामा आन्तरिक पर्यटकको चाप बढेको जनाएको छ ।

यो अवधिमा पर्यटन राजस्व ३७ दशमलव ३१ अर्ब युआन (पाँच दशमलव दुई अर्ब अमेरिकी डलर) पुगेको छ । यसबाट वार्षिक राजस्व वृद्धि ४४ दशमलव पाँच प्रतिशत पुगेको बताइएको छ । ड्र्यागन बोट फेस्टिबल एक परम्परागत चिनियाँ छुट्टी हो । जुन चिनियाँँ चन्द्र पात्रोको पाँचौँ महिनाको पाँचौँ दिनमा हुन्छ । यो वर्ष चीनले २२ जुन (बिहीबार) देखि २४ जुन (शनिबार)सम्म तीन दिन सार्वजनिक बिदा दिएको थियो ।