डुम्रे (तनहुँ) । भण्डारणमा पर्याप्त मौज्दात रासायनिक मल भएपछि बर्सेनि रासायनिक मल अभाव व्यहोरेका तनहुँका किसानलाई धान तथा मकैखेतीका लागि समस्या नहुने भएको छ ।
कृषि सामग्री कम्पनी लिमिटेड शाखा कार्यालय दमौलीले जिल्लामा आवश्यक रासायनिक मल आयात भइरहेको र मल आउने क्रम जारी रहेकाले अभाव नहुने जनाएको छ । कम्पनीले बजार मागअनुसार मल ल्याउन नसक्दा विगत वर्षमा किसानले मल अभाव झेल्नुपरेको प्रमुख दिनेश शर्माले जानकारी दिए ।
रासायनिक मलको सबैभन्दा धेरै माग असारमा हुने र मागअनुसारको आइरहेको र आउने क्रम जारी रहेकाले अभाव नहुने प्रमुख शर्माले बताए । उनका अनुसार जिल्लामा माग भएअनुरुप नै आयात भइरहेको र मौज्दात रहेको मल वितरण भइरहेको छ ।
मङ्गलबार भएको कृषि ज्ञान केन्द्र र कृषि सामग्री कम्पनीसँगको छलफलपछि सहमतिमा असार १५ गतेदेखि युरिया र डिएपी मल एकसाथ वितरण गरिने उनले बताए । उनले कम्पनीसँग रहेको मौज्दातले माग धानेकाले अभाव नहुने पनि बताए ।
तनहुँ र लमजुङ जिल्लाका किसानका लागि कृषि सामग्री कम्पनी लिमिटेडले पालिकाले तोकेका कृषि सहकारी संस्थामार्फत मल वितरण गर्दै आएको छ । तनहुँलाई एक सय ५० टन युरिया र दुई सय टन डिएपी र लमजुङका लागि एक सय टन युरिया र एक सय टन डिएपी वितरण हुने शर्माले बताए ।
प्रमुख शर्माका अनुसार तनहुँका लागि युरिया एक हजार एक सय ४०, डिएपी दुई सय ९५ टन र पोटास ३६ टन माग छ । लमजुङको लागि युरिया पाँच सय टन, डिएपी एक सय आठ टन र पोटास १७ टन माग छ । युरिया एक हजार छ सय ५० टन, डीएपी चार सय तीन टन, पोटास ५३ टन र चुना तीन टन आयात भएको छ भने थप मल आउने क्रममा रहेको शर्माले बताए ।
प्रमुख शर्माले गण्डकी प्रदेश सरकारले कोटा निर्धारण गरिसकेको र असार १५ देखि रोपाइँ धमाधम हुने भएकाले वितरणलाई पनि प्रभावकारी तवरबाट गरिने बताए । गत वर्ष चार प्रकारका मल गरी एक हजार चार सय १८ टन मात्रै मल आएकाले अभाव भएको थियो । तनहुँमा ९५ र लमजुङमा ५२ गरी एक सय ४७ वितरण केन्द्र छन् ।
गत वर्षभन्दा यस वर्ष धेरै मल आयात गरिएकाले अभावको समस्या नआउने शर्माको विश्वास छ । कृषि ज्ञान केन्द्रले आवश्यकतानुसार पालिकालाई कोटा निर्धारण गर्ने र पालिकाले सोहीअनुसार केन्द्रको कोटा निर्धारण गरी पत्र पठाएपछि मल प्रदान गरिने शर्माले बताए ।
क्याटेगोरी : सहकारी–कृषि
ताजा अपडेट
- नियुक्तिपूर्वको शपथलाई किन भुल्छन् भ्रष्ट कर्मचारीहरू ?
- खस्किँदो एसईई नतिजा
- एसईईमा असफलता विद्यार्थीको कि राज्यको
- साउन एकदेखि वैदेशिक रोजगार मागपत्रको प्रमाणीकरण ‘अनलाइन’बाट
- २१औँ राष्ट्रिय धान दिवस: जलवायुमैत्री प्रविधि प्रयोग गरेर उत्पादन वृद्धि गर्ने नीति सरकारको प्राथमिकतामा : प्रधानमन्त्री
- धितोपत्र बोर्डको अध्यक्ष छनोट प्रक्रिया रद्द
- राजस्वद्वारा सुनसरीको स्वतिक मैदामा छापा
- नेपाली सेनाका रथी सिग्देलको उमेर विवाद: संसद्मा उठ्यो प्रश्न, रक्षामन्त्री र प्रधानसेनापतिसँग जवाफ माग
धेरैले पढेको
- टेरामक्स अनियमितता प्रकरण : ठेकेदारले तिर्नुपर्ने ३३ करोड रूपैयाँ भन्सार कर प्राधिकरण आफैँले सेटिङमा ति¥यो
- बेचन झा र प्रतिक थापा पक्राउ परेपछि सिटौला र बादललाई चर्को तनाव
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया