बीरगञ्ज, भदौ १८
लामो प्रतीक्षापछि सरकारी मल प्राप्त गरेका किसानहरू खुशी हुनुभन्दा बढी दुःखी भएका छन् । साल्ट ट्रेडिङले कृषि सहकारी संस्थाहरूलाई बिक्री गरेको मूल्यभन्दा दोब्बर मूल्य किसानले बिक्रेता संस्थाहरूलाई तिर्नुपरेको छ । साल्ट ट्रेडिङ कर्पोरेसनले मल कृषि सहकारी संस्थामार्फत उपलब्ध गराउँदा संस्थाहरूले किसानहरूसँग परल मूल्यभन्दा दुई गुना बढी लिएको किसानहरूको गुनासो छ । ५० किलो युरिया मलको मूल्य ७ सय ५० रूपैयाँ हो तर कृषि सहकारी संस्थाले १ हजार २ सय ५० रूपैयाँदेखि एक हजार पाँच सय रूपैयाँसम्म लिने गरेका छन् ।
जीराभवानी गापा–२ सेढवा र वडा नं. ३ नौकाटोलमा कृषि सहकारी संस्थाले प्रतिबोरा १ हजार २ सय रूपैयाँमा मल बिक्री गरेको किसानहरूले बताए । यसैगरी सोही गापाको वडा नं. ४ सुपौलीमा भने ८ सय रूपैयाँमा प्रतिबोरा युरिया मल बिक्री गरेको सुपौली सहकारी संस्थाका संयोजक दीपक चौधरीले बताए ।
पटेर्वासुगौली गापा–३ देकुली र ४ सुगौलीमा प्रतिबोरा १ हजार ५ सय रूपैयाँसम्ममा खरिद गरेको किसानहरूले बताएका छन् । मल आवश्यक भएको र बढी मूल्य तिर्नुपरेको उनीहरूको भनाइ छ । सीमा सिल भएकोले भारतीय बजारबाट मल ल्याउन कठिनाइ भइरहेको अवस्थामा सरकारले साल्ट ट्रेडिङमार्फत मल उपलब्ध गराएको सूचना थाहा पाउँदा खुशी भए पनि परल मूल्यभन्दा दोब्बरमा खरिद गर्नुपर्दा दुःखी भएको उनीहरूको भनाइ छ ।
पटेर्वासुगौली–३ देकुलीका भागवत चौधरीले किसानलाई आवश्यक परेको बेला सरकारी अनुदानमा आएको मल सहकारी संस्थामार्फत दोब्बर मूल्यमा खरिद गर्नुपर्ने बाध्यता सृजना भएकोमा आपत्ति जनाए । उनले लकडाउन, निषेधाज्ञाको बेला किसानलाई आवश्यक मल, कीटनाशक औषधिको स्थानीय तहबाट जोहो गरिनुपर्ने तर संस्थाहरूले बढी मूल्यमा बिक्री गर्दा कारबाही नगरिएकोमा गुनासो गरे ।
जीराभवानी गापा–२ सेढवास्थित बजरङ्ग खाद भण्डारका सञ्चालक सत्यनारायण साहले साल्ट ट्रेडिङ कर्पोरेसनले युरिया मलका साथै जिंक पनि खरिद गर्नुपर्ने बाध्य पारेको बताए । वीरगञ्जबाट गाउँसम्म ल्याउँदा ६ ठाउँमा सुरक्षाकर्मी र टोलका दादाहरूले रङ्गदारी लिने गरेकोले युरिया मल महंगोमा बिक्री गर्नुपरेको उनको भनाइ छ । उनले ६ ठाउँमा प्रहरीले ट्याक्टर रोकेर रकम लिएपछि मात्रै छाडेको दुःखेसो पोखे । मलमा समेत प्रहरीले रङ्गदारी लिएको उनको आरोप छ ।
क्याटेगोरी : सहकारी–कृषि
ताजा अपडेट
- दुर्गा प्रसाईँको कसुर ‘पटके अपराध’ कायम भयो भने सजायमा के फरक पर्छ
- नेपाल-भारत सीमा सुरक्षा अधिकारीको बैठकमा छलफल भएका मुख्य चार विषय
- राष्ट्रिय गौरवका आयोजनालाई प्राथमिकता दिन रक्षा मन्त्रीको जोड
- विद्युत् विकासका लागि जर्मनीले एक अर्ब ४६ करोड अनुदान दिने
- बाढीपहिरोबाट ऊर्जा र सिँचाइ क्षेत्रमा १३ अर्ब बढीको क्षति
- शान्ति प्रक्रियालाई शीघ्र टुङ्ग्याउनुपर्नेमा आयोगको जोड
- अष्ट्रेलियाका राजदूत र प्रधानमन्त्री ओलीबिच शिष्टाचार भेट
- विश्व खाद्य संगठनका प्रतिनिधि र ऊर्जामन्त्री खड्काबिच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया