ओम् शिवा बहुमुखी सहकारीको नाफा ३३ करोड ९५ लाख

काठमाडौं ।
ओम् शिवा बहुमुखी सहकारी संस्था लिमिटेडले आर्थिक वर्ष २०७६/०७७ मा ३३ करोड ९५ लाख रूपैयाँ नाफा आर्जन गर्न सफल भएको छ । यस्तै संस्थाको सेयर पुँजी दुई करोड नौ लाख रूपैयाँ, बचत (निक्षेप) तीस करोड ९२ लाख, कर्जा सापट २२ करोड ८० लाख, लगानी नौ करोड ४९ लाख, सापटी एक करोड ४० लाख रहेको छ । संस्थाको कूल सम्पत्ति ४० करोड २६ लाख रूपैयाँ रहेको सहकारीले जनाएको छ ।

साथै संस्थाको २०औँ वार्षिक साधारणसभाले सेयरधनीलाई लाभांश १६ दशमलब ८४ प्रतिशत दिने घोषणा समेत गरेको छ । गत शनिबार भर्चुअल माध्यमबाट भएको साधारणसभाले संस्थाको आर्थिक वर्ष २०७६/०७७ को आर्थिक प्रगति विवरण, वार्षिक प्रगति विवरणलगायत विभिन्न निर्णयहरूलाई पारित गरेको छ । साथै सभाले संस्थाको नयाँ सञ्चालक समिति र लेखा सुपरिवेक्षण समिति समेत निर्विरोध चयन गरेको छ । संस्थाको अध्यक्षमा अशोकप्रसाद मल्ल र उपाध्यक्षमा सुरेन्द्रलाल राजभण्डारी चयन भएका छन् ।

यस्तै सञ्चालक समितिको सदस्यमा ज्ञानेन्द्रचन्द्र श्रेष्ठ, विराटपूर्ण श्रेष्ठ, सुर्दशन रघुवंशी र उत्तमदास श्रेष्ठ चयन भएका छन् । साथै लेखा सुपरिवेक्षण समितिको संयोजक सालिकराम भण्डारी र सदस्यहरूमा मिना श्रेष्ठ र रिजा श्रेष्ठ चयन भएका छन् । साथै सभाले कार्यकारी अध्यक्ष ईश्वरबहादुर रघुवंशीलाई संस्था संस्थापना गरी विगत २१ वर्षदेखि सेवा गरेको भन्दै सम्मान समेत गरेको छ ।

सहकारी ऐन २०७५ अनुसार उनले कार्यकारी अध्यक्षको पद छोडी नव निर्वाचित सञ्चालक समितिले पूर्ण सक्षमता साथ सहकारीको मूल मन्त्र इमान्दारीता र पारदर्शितालाई हृदयगंम गरी संस्था चलाउने पूर्ण विश्वास व्यक्त गरे । उनले अब नव गठित सञ्चालक समितिको निर्णयानुसार कार्यकारी प्रमुख भई कार्य सञ्चालन गर्ने बताइएको छ ।